Texts

Select a text:
Bibliography

Select a chapter:
1 revision

Associated topic(s): begging, bhikṣu, bhikṣā

Show parallels Show headlines
Use dependency labeler

Chapter id: 17091

Click on a sentence to show its analysis
Keep the mouse pointer over a lemma to show its meanings.

devasya tvā yo me daṇḍaḥ sakhā me gopāyeti tribhis tridaṇḍaṃ yad asya pāre rajasa iti śikyaṃ yena devāḥ pavitreṇety appavitraṃ yena devā jyotiṣeti kamaṇḍalumṛdgrahaṇyāv ādadīta // (1) Par.?

snātvāghamarṣaṇasūktenāghamarṣaṇaṃ kuryāt // (2) Par.?

ācamya ṣoḍaśa prāṇāyāmān kṛtvā sahasraṃ śataṃ vā sāvitrīṃ japtvā tathā bhikṣāpātram alābu dāravaṃ mṛnmayaṃ vā gṛhṇāti // (3) Par.?

praṇavādyādibhiḥ pṛthak pṛthak saptavyāhṛtibhis tarpayāmīti devebhyo jale 'dbhis tarpayitvādyābhiś catasṛbhiḥ svadheti pitṛbhyas tarpayet // (4) Par.?

ud vayaṃ tamasa ity ādityam upatiṣṭheta // (5) Par.?

jalāñjaliṃ visṛjyābhayaṃ sarvabhūtebhyo dadyāt // (6) Par.?

adhyātmarato yatir bhikṣāśī niyamayamāṃś ca samācaran saṃyatendriyo dhyānayogena paramātmānam īkṣate // (7) Par.?

Duration=0.023104906082153 secs.