Texts

sāpanīya tam āyāsam upaspṛśya jalaṃ śuci / (1.1) Par.?

cakāra mātā rāmasya maṅgalāni manasvinī // (1.2) Par.?

svasti sādhyāś ca viśve ca marutaś ca maharṣayaḥ / (2.1) Par.?

svasti dhātā vidhātā ca svasti pūṣā bhago 'ryamā // (2.2) Par.?

ṛtavaś caiva pakṣāś ca māsāḥ saṃvatsarāḥ kṣapāḥ / (3.1) Par.?

dināni ca muhūrtāś ca svasti kurvantu te sadā // (3.2) Par.?

smṛtir dhṛtiś ca dharmaś ca pāntu tvāṃ putra sarvataḥ / (4.1) Par.?

skandaś ca bhagavān devaḥ somaś ca sabṛhaspatiḥ // (4.2) Par.?

saptarṣayo nāradaś ca te tvāṃ rakṣantu sarvataḥ / (5.1) Par.?

nakṣatrāṇi ca sarvāṇi grahāś ca sahadevatāḥ / (5.2) Par.?

mahāvanāni carato muniveṣasya dhīmataḥ // (5.3) Par.?

plavagā vṛścikā daṃśā maśakāś caiva kānane / (6.1) Par.?

sarīsṛpāś ca kīṭāś ca mā bhūvan gahane tava // (6.2) Par.?

mahādvipāś ca siṃhāś ca vyāghrā ṛkṣāś ca daṃṣṭriṇaḥ / (7.1) Par.?

mahiṣāḥ śṛṅgiṇo raudrā na te druhyantu putraka // (7.2) Par.?

nṛmāṃsabhojanā raudrā ye cānye sattvajātayaḥ / (8.1) Par.?

mā ca tvāṃ hiṃsiṣuḥ putra mayā sampūjitās tv iha // (8.2) Par.?

āgamās te śivāḥ santu sidhyantu ca parākramāḥ / (9.1) Par.?

sarvasampattayo rāma svastimān gaccha putraka // (9.2) Par.?

svasti te 'stv āntarikṣebhyaḥ pārthivebhyaḥ punaḥ punaḥ / (10.1) Par.?

sarvebhyaś caiva devebhyo ye ca te paripanthinaḥ // (10.2) Par.?

sarvalokaprabhur brahmā bhūtabhartā tatharṣayaḥ / (11.1) Par.?

ye ca śeṣāḥ surās te tvāṃ rakṣantu vanavāsinam // (11.2) Par.?

iti mālyaiḥ suragaṇān gandhaiś cāpi yaśasvinī / (12.1) Par.?

stutibhiś cānurūpābhir ānarcāyatalocanā // (12.2) Par.?

yan maṅgalaṃ sahasrākṣe sarvadevanamaskṛte / (13.1) Par.?

vṛtranāśe samabhavat tat te bhavatu maṅgalam // (13.2) Par.?

yan maṅgalaṃ suparṇasya vinatākalpayat purā / (14.1) Par.?

amṛtaṃ prārthayānasya tat te bhavatu maṅgalam // (14.2) Par.?

oṣadhīṃ cāpi siddhārthāṃ viśalyakaraṇīṃ śubhām / (15.1) Par.?

cakāra rakṣāṃ kausalyā mantrair abhijajāpa ca // (15.2) Par.?

ānamya mūrdhni cāghrāya pariṣvajya yaśasvinī / (16.1) Par.?

avadat putra siddhārtho gaccha rāma yathāsukham // (16.2) Par.?

arogaṃ sarvasiddhārtham ayodhyāṃ punar āgatam / (17.1) Par.?

paśyāmi tvāṃ sukhaṃ vatsa susthitaṃ rājaveśmani // (17.2) Par.?

mayārcitā devagaṇāḥ śivādayo maharṣayo bhūtamahāsuroragāḥ / (18.1) Par.?

abhiprayātasya vanaṃ cirāya te hitāni kāṅkṣantu diśaś ca rāghava // (18.2) Par.?

itīva cāśrupratipūrṇalocanā samāpya ca svastyayanaṃ yathāvidhi / (19.1) Par.?

pradakṣiṇaṃ caiva cakāra rāghavaṃ punaḥ punaś cāpi nipīḍya sasvaje // (19.2) Par.?

tathā tu devyā sa kṛtapradakṣiṇo nipīḍya mātuś caraṇau punaḥ punaḥ / (20.1) Par.?

jagāma sītānilayaṃ mahāyaśāḥ sa rāghavaḥ prajvalitaḥ svayā śriyā // (20.2) Par.?