Texts

tato nāndīmukhīṃ rātriṃ bharataṃ sūtamāgadhāḥ / (1.1) Par.?

tuṣṭuvur vāgviśeṣajñāḥ stavair maṅgalasaṃhitaiḥ // (1.2) Par.?

suvarṇakoṇābhihataḥ prāṇadad yāmadundubhiḥ / (2.1) Par.?

dadhmuḥ śaṅkhāṃś ca śataśo vādyāṃś coccāvacasvarān // (2.2) Par.?

sa tūryaghoṣaḥ sumahān divam āpūrayann iva / (3.1) Par.?

bharataṃ śokasaṃtaptaṃ bhūyaḥ śokair arandhrayat // (3.2) Par.?

tataḥ prabuddho bharatas taṃ ghoṣaṃ saṃnivartya ca / (4.1) Par.?

nāhaṃ rājeti cāpy uktvā śatrughnam idam abravīt // (4.2) Par.?

paśya śatrughna kaikeyyā lokasyāpakṛtaṃ mahat / (5.1) Par.?

visṛjya mayi duḥkhāni rājā daśaratho gataḥ // (5.2) Par.?

tasyaiṣā dharmarājasya dharmamūlā mahātmanaḥ / (6.1) Par.?

paribhramati rājaśrīr naur ivākarṇikā jale // (6.2) Par.?

ity evaṃ bharataṃ prekṣya vilapantaṃ vicetanam / (7.1) Par.?

kṛpaṇaṃ ruruduḥ sarvāḥ sasvaraṃ yoṣitas tadā // (7.2) Par.?

tathā tasmin vilapati vasiṣṭho rājadharmavit / (8.1) Par.?

sabhām ikṣvākunāthasya praviveśa mahāyaśāḥ // (8.2) Par.?

śātakumbhamayīṃ ramyāṃ maṇiratnasamākulām / (9.1) Par.?

sudharmām iva dharmātmā sagaṇaḥ pratyapadyata // (9.2) Par.?

sa kāñcanamayaṃ pīṭhaṃ parārdhyāstaraṇāvṛtam / (10.1) Par.?

adhyāsta sarvavedajño dūtān anuśaśāsa ca // (10.2) Par.?

brāhmaṇān kṣatriyān yodhān amātyān gaṇavallabhān / (11.1) Par.?

kṣipram ānayatāvyagrāḥ kṛtyam ātyayikaṃ hi naḥ // (11.2) Par.?

tato halahalāśabdo mahān samudapadyata / (12.1) Par.?

rathair aśvair gajaiś cāpi janānām upagacchatām // (12.2) Par.?

tato bharatam āyāntaṃ śatakratum ivāmarāḥ / (13.1) Par.?

pratyanandan prakṛtayo yathā daśarathaṃ tathā // (13.2) Par.?

hrada iva timināgasaṃvṛtaḥ stimitajalo maṇiśaṅkhaśarkaraḥ / (14.1) Par.?

daśarathasutaśobhitā sabhā sadaśaratheva babhau yathā purā // (14.2) Par.?