Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2062

Click on a sentence to show its analysis
Keep the mouse pointer over a lemma to show its meanings.

yādṛśo 'sāv alpapadair upadiṣṭa āyurvedastamāha hetvityādi // (1) Par.?

hetuliṅgauṣadhajñānamiti hetvādīni jñāyante 'neneti hetuliṅgauṣadhajñānaṃ yāvac cāyurvedavācyaṃ tāvaddhetvādyantarbhūtam ityarthaḥ // (2) Par.?

hetugrahaṇena saṃnikṛṣṭaviprakṛṣṭavyādhihetugrahaṇaṃ liṅgagrahaṇena ca vyādher ārogyasya ca kṛtsnaṃ liṅgamucyate tena vyādhyārogye 'pi liṅgaśabdavācye yatastābhyāmapi hi talliṅgaṃ liṅgyata eva vakṣyati hi viṣamārambhamūlānāṃ jvara eko hi lakṣaṇam // (3) Par.?

viṣamārambhamūlādyair jvara eko nigadyate ityādi auṣadhagrahaṇena ca sarvapathyāvarodhaḥ // (4) Par.?

śarīraṃ cātra hetau liṅge cāntarbhavati // (5) Par.?

svasthāturayoḥ paramutkṛṣṭamayanaṃ mārga iti svasthāturaparāyaṇam // (6) Par.?

kimanyo'yaṃ hetuliṅgauṣadhajñānarūpa āyurvedo brahmabuddhādāyurvedād utānanya ityāha trisūtram ityādi // (7) Par.?

pitāmaho'pi yaṃ trisūtraṃ bubudhe tamindraḥ provāca // (8) Par.?

trīṇi hetvādīni sūtryante yasmin yena vā tantrisūtram // (9) Par.?

tatra sūcanāt sūtraṇāccārthasaṃtateḥ sūtram // (10) Par.?

etena taṃ yathā brahmā trisūtraṃ bubudhe tathaiva hetuliṅgauṣadhajñānam indraḥ provācetyaviplutamāgamaṃ darśayati // (11) Par.?

bubudha iti na kṛtavān // (12) Par.?

ata evoktaṃ śāśvataṃ nityam ityarthaḥ // (13) Par.?

tacca nityatvaṃ sūtrasthānānte vyutpādanīyam // (14) Par.?

Duration=0.060487031936646 secs.