Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2063

Click on a sentence to show its analysis
Keep the mouse pointer over a lemma to show its meanings.

athoddiṣṭam āyurvedaṃ kathaṃ gṛhītavān bharadvāja ityāha so 'nantetyādi // (1) Par.?

avidyamānāv antapārau yasyāsāv anantapāraḥ atra pāraśabdena gobalīvardanyāyenādir ucyate pāraśabdo hy ubhayor api nadīkūlayor vivakṣāvaśād vartate kiṃvā ananto mokṣaḥ pāram utkṛṣṭaṃ phalaṃ yasyāyurvedasyāsāv anantapāraḥ // (2) Par.?

vakṣyati hi cikitsā tu naiṣṭhikī yā vinopadhām iti // (3) Par.?

atra naiṣṭhikī mokṣasādhanahetuḥ // (4) Par.?

trayo hetvādayaḥ skandharūpā yasya sa triskandhaḥ skandhaśca sthūlāvayavaḥ pravibhāgo vā // (5) Par.?

tatraivāyurvedagrahaṇe mano yasya sa tanmanāḥ // (6) Par.?

mananājjñānaprakarṣaśālitvān muniḥ // (7) Par.?

etena yasmādayaṃ mahāmatis tanmanāḥ muniśca tenānantapāramapyāyurvedaṃ hetvādiskandhatrayamālambanaṃ kṛtvā yathāvadacirādeva pratipannavān ityāśayaḥ // (8) Par.?

acirāditi acireṇa // (9) Par.?

atra ca yathā brahmā trisūtraṃ bubudhe yathā cendro hetuliṅgauṣadhajñānaṃ provāca tathaiva bharadvājo'pi triskandhaṃ taṃ bubudhe ityanenāyurvedasyāviplutāgamatvam upadarśyate tena trisūtratriskandhayor na punaruktiḥ // (10) Par.?

teneti indrād gṛhītenāyurvedena // (11) Par.?

amitamiti amitamivāmitam atidīrghatvāt // (12) Par.?

āyuḥśabdaścāyuḥkāraṇe rasāyanajñāne boddhavyaḥ yenottarakālaṃ hi rasāyanopayogād ayaṃ bharadvājo'mitamāyuravāpsyati na ṛṣibhya āyurvedakathanāt pūrvaṃ rasāyanamācarati sma kiṃvā sarvaprāṇyupakārārthādhītāyurvedajanitadharmavaśāt tatkālam evāmitamāyur lebhe bharadvāja iti boddhavyam // (13) Par.?

tacceti śrutaṃ yadā tamiti pāṭhaḥ tadā tam āyurvedam // (14) Par.?

anavaśeṣayanniti kārtsnyenetyarthaḥ // (15) Par.?

āyurvedam adhītyānantaram evāyaṃ tamṛṣibhyo dattavān // (16) Par.?

Duration=0.054908990859985 secs.