Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6712

Click on a sentence to show its analysis
Keep the mouse pointer over a lemma to show its meanings.

vyādhīnāṃ kālasaṃprāptim āha nirdiṣṭetyādi // (1) Par.?

vyādhisaṃgraha iti kiyantaḥśirasīye / (2.1) Par.?

cayaprakopapraśamāḥ pittādīnāṃ yathākramam / (2.2) Par.?

bhavantyekaikaśaḥ ṣaṭsu kāleṣvabhrāgamādiṣu // (2.3) Par.?

ityanena tathā hyudāharaṇena ca // (3) Par.?

tena kālasaṃprāptir vyādhīnāṃ yathācayaprakopapraśamāḥ pittādīnāṃ purā nirdiṣṭā iti yojyam // (4) Par.?

udāharaṇāntaramāha mithyetyādi // (5) Par.?

jīrṇetyādau jīrṇādyavasthātrayaviśiṣṭasyānnasya kālaḥ tathānnasyākālo 'jīrṇādyavasthālakṣitaḥ // (6) Par.?

prajīrṇaṃ vidagdham // (7) Par.?

rātreryāmāstrayaśca ya iti trayo bhāgāḥ pūrvarātramadhyarātrāpararātrarūpāḥ na tu yāmaḥ prahara iti jñeyam // (8) Par.?

anyatrāpi ca bhāgatraye yāmavibhāgaṃ kṛtvā abhidhānaśāstre triyāmā niśābhidhīyate // (9) Par.?

teṣu kāleṣviti jīrṇānnakālādiṣu jīrṇe aparāhṇe rātriśeṣe ca vātikā gadāḥ bhuktamātre pūrvāhṇe pūrvarātre ca kaphajā gadāḥ prajīrṇe madhyāhne madhyarātre ca pittajā niyatā rogāḥ // (10) Par.?

annākāle cājīrṇalakṣaṇe bhojanāt trayo'pi doṣā bhavantīti jñeyam // (11) Par.?

kiṃvā jīrṇabhuktaprajīrṇānnakālā iti chedaḥ tena jīrṇādyavasthāyuktānnakālāḥ pūrvavad eva jñeyāḥ tathā kālasthitiśca yā iti yojanā kālasthitiśabdena bālyādivayastraividhyam ucyate // (12) Par.?

tatra bālye ślaiṣmikāḥ yauvane paittikāḥ vārdhakye vātikā gadā vardhante iti jñeyam // (13) Par.?

Duration=0.054327964782715 secs.