Texts

vāmadeva uvāca / (1.1) Par.?

ayuddhenaiva vijayaṃ vardhayed vasudhādhipaḥ / (1.2) Par.?

jaghanyam āhur vijayaṃ yo yuddhena narādhipa // (1.3) Par.?

na cāpyalabdhaṃ lipseta mūle nātidṛḍhe sati / (2.1) Par.?

na hi durbalamūlasya rājño lābho vidhīyate // (2.2) Par.?

yasya sphīto janapadaḥ sampannaḥ priyarājakaḥ / (3.1) Par.?

saṃtuṣṭapuṣṭasacivo dṛḍhamūlaḥ sa pārthivaḥ // (3.2) Par.?

yasya yodhāḥ susaṃtuṣṭāḥ sāntvitāḥ sūpadhāsthitāḥ / (4.1) Par.?

alpenāpi sa daṇḍena mahīṃ jayati bhūmipaḥ // (4.2) Par.?

paurajānapadā yasya svanuraktāḥ supūjitāḥ / (5.1) Par.?

sadhanā dhānyavantaśca dṛḍhamūlaḥ sa pārthivaḥ // (5.2) Par.?

prabhāvakālāvadhikau yadā manyeta cātmanaḥ / (6.1) Par.?

tadā lipseta medhāvī parabhūmiṃ dhanānyuta // (6.2) Par.?

bhogeṣvadayamānasya bhūteṣu ca dayāvataḥ / (7.1) Par.?

vardhate tvaramāṇasya viṣayo rakṣitātmanaḥ // (7.2) Par.?

takṣatyātmānam evaiṣa vanaṃ paraśunā yathā / (8.1) Par.?

yaḥ samyag vartamāneṣu sveṣu mithyā pravartate // (8.2) Par.?

na vai dviṣantaḥ kṣīyante rājño nityam api ghnataḥ / (9.1) Par.?

krodhaṃ niyantuṃ yo veda tasya dveṣṭā na vidyate // (9.2) Par.?

yad āryajanavidviṣṭaṃ karma tannācared budhaḥ / (10.1) Par.?

yat kalyāṇam abhidhyāyet tatrātmānaṃ niyojayet // (10.2) Par.?

nainam anye 'vajānanti nātmanā paritapyate / (11.1) Par.?

kṛtyaśeṣeṇa yo rājā sukhānyanububhūṣati // (11.2) Par.?

idaṃ vṛttaṃ manuṣyeṣu vartate yo mahīpatiḥ / (12.1) Par.?

ubhau lokau vinirjitya vijaye sampratiṣṭhate // (12.2) Par.?

bhīṣma uvāca / (13.1) Par.?

ityukto vāmadevena sarvaṃ tat kṛtavānnṛpaḥ / (13.2) Par.?

tathā kurvaṃstvam apyetau lokau jetā na saṃśayaḥ // (13.3) Par.?