Texts

matsya uvāca / (1.1) Par.?

evamastviti saṃhṛṣṭaḥ śakrastridaśavardhanaḥ / (1.2) Par.?

saṃdideśāgrataḥ somaṃ yuddhāya śiśirāyudham // (1.3) Par.?

gaccha soma sahāyatvaṃ kuru pāśadharasya vai / (2.1) Par.?

asurāṇāṃ vināśāya jayārthaṃ ca divaukasām // (2.2) Par.?

tvaṃ mattaḥ prativīryaśca jyotiṣāṃ ceśvareśvaraḥ / (3.1) Par.?

tvanmayaṃ sarvalokeṣu rasaṃ rasavido viduḥ // (3.2) Par.?

kṣayavṛddhī tava vyakte sāgarasyeva maṇḍale / (4.1) Par.?

parivartasyahorātraṃ kālaṃ jagati yojayan // (4.2) Par.?

lokacchāyāmayaṃ lakṣma tavāṅkaḥ śaśasaṃnibhaḥ / (5.1) Par.?

na viduḥ soma devāpi ye ca nakṣatrayonayaḥ // (5.2) Par.?

tvam ādityapathād ūrdhvaṃ jyotiṣāṃ copari sthitaḥ / (6.1) Par.?

tamaḥ protsārya mahasā bhāsayasyakhilaṃ jagat // (6.2) Par.?

śvetabhānur himatanur jyotiṣām adhipaḥ śaśī / (7.1) Par.?

adhikṛt kālayogātmā iṣṭo yajñaraso'vyayaḥ // (7.2) Par.?

oṣadhīśaḥ kriyāyonir haraśekharabhāktathā / (8.1) Par.?

śītāṃśuramṛtādhāraścapalaḥ śvetavāhanaḥ // (8.2) Par.?

tvaṃ kāntiḥ kāntivapuṣāṃ tvaṃ somaḥ somapāyinām / (9.1) Par.?

saumyastvaṃ sarvabhūtānāṃ timiraghnastvam ṛkṣarāṭ // (9.2) Par.?

tadgaccha tvaṃ mahāsena varuṇena varūthinā / (10.1) Par.?

śamaya tvāsurīṃ māyāṃ yayā dahyāma saṃyuge // (10.2) Par.?

soma uvāca / (11.1) Par.?

yanmāṃ vadasi yuddhārthe devarāja varaprada / (11.2) Par.?

eṣa varṣāmi śiśiraṃ daityamāyāpakarṣaṇam // (11.3) Par.?

etānmacchītanirdagdhān paśya tvaṃ himaveṣṭitān / (12.1) Par.?

vimāyānvimadāṃścaiva daityasiṃhānmahāhave // (12.2) Par.?

ityuktvā tārakādhīśaḥ sajaleśaḥ śivodakaiḥ / (13.1) Par.?

plāvayāmāsa sainyāni surāṇāṃ śāntivṛddhaye // (13.2) Par.?

teṣāṃ himakarotsṛṣṭāḥ sapāśā himavṛṣṭayaḥ / (14.1) Par.?

veṣṭayanti sma tānghorāndaityānmeghagaṇā iva // (14.2) Par.?