Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4924

Click on a sentence to show its analysis
Keep the mouse pointer over a lemma to show its meanings.

aṅgārakoṣṭhikālakṣaṇamāha rājahasteti // (1) Par.?

rājahastasamutsedhā hastadvayonnatā // (2) Par.?

rājahastasya vistṛtavyākhyā gajapuṭavyākhyāyāṃ draṣṭavyā // (3) Par.?

caturasrā catuṣkoṇā // (4) Par.?

vitastyābhogasaṃyutaṃ dvādaśāṅgulavistṛtam // (5) Par.?

dvāraṃ sārdhavitastyā ca ityasya dehalyadhaḥ ityanena saṃbandhaḥ // (6) Par.?

dehalī dvāranimne piṇḍikā // (7) Par.?

prādeśapramitā aṅguṣṭhasya pradeśinyā vyāsaḥ prādeśa ucyate ityuktalakṣaṇā tarjanīsahitavistṛtāṅguṣṭhapramāṇā // (8) Par.?

uttaraṅgasya dvārordhvasthadāruṇaḥ // (9) Par.?

hastadvayotsedhaṃ hastamitāyāmavistāraṃ catuṣkoṇaṃ samantāt mṛnmayabhittiveṣṭitaṃ ca cullyākāramekaṃ mārttikaṃ yantraṃ kṛtvā tasya ekabhittau vitastivistaraṃ dvāraṃ dvārapiṇḍikādhaḥ aṣṭādaśāṅgulamānaṃ dvārāntaraṃ ca kuryāt // (10) Par.?

dvārordhvabhāge aṅguṣṭhatarjanyor madhyavat vistṛtāṃ bhittiṃ sthāpayitvā tadupari tadvadvistṛtaṃ dvāramanyat vidadhyāt tataḥ iṣṭakayā dvārasandhiṃ ruddhvā ālipya ca koṣṭhīmaṅgāraiḥ paripūrya dvābhyāṃ bhastrābhyāṃ dhamet // (11) Par.?

bhasmībhūte ca aṅgāre punarapi aṅgāraṃ sattvapātanagolādikaṃ ca pañca pañca kṛtvā ūrdhvadvāreṇa punaḥ punaḥ nikṣipet // (12) Par.?

iyam aṅgārakoṣṭhī kharadravyāṇāṃ sattvapātane śubhā jñeyā // (13) Par.?

Duration=0.062380075454712 secs.