Texts

Select a text:
Bibliography

Select a chapter:
1 revision
Show parallels Show headlines
Use dependency labeler

Chapter id: 15165

Click on a sentence to show its analysis
Keep the mouse pointer over a lemma to show its meanings.

varṣavardhana

ṛṣabhaṃ vairavaṇam agnīṣomīyaṃ vaiṣṇavaṃ dhātādi mūlahomaṃ yaddevādi kūṣmāṇḍahomam ā sāvitravratabandhāj juhoti // (1) Par.?

upanītasya ca tattadvratasūktāni // (2) Par.?

vedasnātakasya yadahni vivāho bhavati māsike vārṣike cāhni tasmin yat striya āhuḥ pāraṃparyāgataṃ śiṣṭācāraṃ tattatkaroti // (3) Par.?

tathāgniṣṭomādiyajñānām ādhānanakṣatre varṣānte karoti // (4) Par.?

tadevaṃ vartamānasya yadyaṣṭamāsādhikāśītivarṣāṇi ravivarṣeṇādhigānyadhigaccheyuḥ sa dṛṣṭasahasracandro bhavati // (5) Par.?

tamenaṃ kriyāyuktaṃ puṇyakṛttamaṃ brahmaśarīramityācakṣate // (6) Par.?

tasmān nāndīmukhaṃ kṛtvā śuklapakṣe śuddhe 'hani pūrvāhṇe pūrvavaddhutvā tathaiva kapila iveti vṛddhasya vṛddhāyā vā vadann akṣatodakādīn mūrdhnyādadhyāt // (7) Par.?

sarvadevatāḥ sahasraṃ ca brāhmaṇānāmarcanabalibhyāmannena tarpayet // (8) Par.?

grāmaṃ pradakṣiṇīkṛtya sāyaṃ sthaṇḍile sahasraṃ piṣṭena somarūpāṇi karoti // (9) Par.?

rājatena pātreṇa kumudapattraiḥ somasyārcanam // (10) Par.?

tasya dakṣiṇe rohiṇīgaṇaṃ vāme cānāvṛṣṭigaṇamarcayati // (11) Par.?

sahasraśaḥ suvarṇarajatamuktādīni śaktyā vastrataṇḍulāpūpāni ca dadyāt // (12) Par.?

aśvamedhaphalāvāptyai varṣavardhanamiti vijñāyate // (13) Par.?

Duration=0.034446001052856 secs.