Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3148
  • Click on a sentence to show its analysis
  • Keep the mouse pointer over a lemma to show its meanings.
rāgād yadi bhavet pūrvaṃ rakto rāgatiraskṛtaḥ / (1.1) Par.?
taṃ pratītya bhaved rāgo rakte rāgo bhavet sati // (1.2) Par.?
rakte 'sati punā rāgaḥ kuta eva bhaviṣyati / (2.1) Par.?
sati vāsati vā rāge rakte 'pyeṣa samaḥ kramaḥ // (2.2) Par.?
sahaiva punar udbhūtir na yuktā rāgaraktayoḥ / (3.1) Par.?
bhavetāṃ rāgaraktau hi nirapekṣau parasparam // (3.2) Par.?
naikatve sahabhāvo 'sti na tenaiva hi tat saha / (4.1) Par.?
pṛthaktve sahabhāvo 'tha kuta eva bhaviṣyati // (4.2) Par.?
ekatve sahabhāvaścet syāt sahāyaṃ vināpi saḥ / (5.1) Par.?
pṛthaktve sahabhāvaścet syāt sahāyaṃ vināpi saḥ // (5.2) Par.?
pṛthaktve sahabhāvaśca yadi kiṃ rāgaraktayoḥ / (6.1) Par.?
siddhaḥ pṛthakpṛthagbhāvaḥ sahabhāvo yatastayoḥ // (6.2) Par.?
siddhaḥ pṛthakpṛthagbhāvo yadi vā rāgaraktayoḥ / (7.1) Par.?
sahabhāvaṃ kimartham tu parikalpayase tayoḥ // (7.2) Par.?
pṛthaṅna sidhyatītyevaṃ sahabhāvaṃ vikāṅkṣasi / (8.1) Par.?
sahabhāvaprasiddhyarthaṃ pṛthaktvaṃ bhūya icchasi // (8.2) Par.?
pṛthagbhāvāprasiddheśca sahabhāvo na sidhyati / (9.1) Par.?
katamasmin pṛthagbhāve sahabhāvaṃ satīcchasi // (9.2) Par.?
evaṃ raktena rāgasya siddhir na saha nāsaha / (10.1) Par.?
rāgavat sarvadharmāṇāṃ siddhir na saha nāsaha // (10.2) Par.?
Duration=0.21698594093323 secs.