Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3173
  • Click on a sentence to show its analysis
  • Keep the mouse pointer over a lemma to show its meanings.
darśanaśravaṇādīni vedanādīni cāpyatha / (1.1) Par.?
bhavanti yasya prāg ebhyaḥ so 'stītyeke vadantyuta // (1.2) Par.?
kathaṃ hy avidyamānasya darśanādi bhaviṣyati / (2.1) Par.?
bhāvasya tasmāt prāg ebhyaḥ so 'sti bhāvo vyavasthitaḥ // (2.2) Par.?
darśanaśravaṇādibhyo vedanādibhya eva ca / (3.1) Par.?
yaḥ prāg vyavasthito bhāvaḥ kena prajñapyate 'tha saḥ // (3.2) Par.?
vināpi darśanādīni yadi cāsau vyavasthitaḥ / (4.1) Par.?
amūnyapi bhaviṣyanti vinā tena na saṃśayaḥ // (4.2) Par.?
ajyate kenacit kaścit kiṃcit kenacid ajyate / (5.1) Par.?
kutaḥ kiṃcid vinā kaścit kiṃcit kiṃcid vinā kutaḥ // (5.2) Par.?
sarvebhyo darśanādibhyaḥ kaścit pūrvo na vidyate / (6.1) Par.?
ajyate darśanādīnām anyena punar anyadā // (6.2) Par.?
sarvebhyo darśanādibhyo yadi pūrvo na vidyate / (7.1) Par.?
ekaikasmāt kathaṃ pūrvo darśanādeḥ sa vidyate // (7.2) Par.?
draṣṭā sa eva sa śrotā sa eva yadi vedakaḥ / (8.1) Par.?
ekaikasmād bhavet pūrvam evaṃ caitanna yujyate // (8.2) Par.?
draṣṭānya eva śrotānyo vedako 'nyaḥ punar yadi / (9.1) Par.?
sati syād draṣṭari śrotā bahutvaṃ cātmanāṃ bhavet // (9.2) Par.?
darśanaśravaṇādīni vedanādīni cāpyatha / (10.1) Par.?
bhavanti yebhyasteṣveṣa bhūteṣvapi na vidyate // (10.2) Par.?
darśanaśravaṇādīni vedanādīni cāpyatha / (11.1) Par.?
na vidyate ced yasya sa na vidyanta imānyapi // (11.2) Par.?
prāk ca yo darśanādibhyaḥ sāṃprataṃ cordhvam eva ca / (12.1) Par.?
na vidyate 'sti nāstīti nivṛttāstatra kalpanāḥ // (12.2) Par.?
Duration=0.23362708091736 secs.