Texts

Help

Select a text:
Bibliography

Select a chapter:
(no revisions)

Associated topic(s): Alchemy

Show parallels Show headlines
Use dependency labeler

Chapter id: 3970

Click on a sentence to show its analysis
Keep the mouse pointer over a lemma to show its meanings.

atha mṛgāṅkapoṭṭalīrasaṃ vyācaṣṭe bhūrjavaditi // (1) Par.?

bhūrjo vṛkṣaviśeṣaḥ tasya tvak tadākārāṇi tanupatrāṇi // (2) Par.?

tanugrahaṇena yathā aṅgādīnāṃ manoharārthaṃ svarṇakārāḥ kurvanti tadvadatrāpi kāryāṇītyarthaḥ // (3) Par.?

sūkṣmāṇīti tāni tanupatrāṇi tilavat khaṇḍitāni kṛtvetyarthaḥ // (4) Par.?

sūtena pāradena samaṃ saṃgṛhya khalve kṣiptvā mardanīyam // (5) Par.?

kathaṃ yathā kāñcanārarasenetyādi // (6) Par.?

caturvidhā bhavati / (7.1) Par.?

kāñcanāro vṛkṣaviśeṣaḥ prasiddha eva jvālāmukhī jayantī sā caturvidhā bhavati // (7.2) Par.?

tathāhi / (8.1) Par.?

śvetā raktā tathā pītā kṛṣṇā jvālāmukhī bhavet / (8.2) Par.?

iti // (8.3) Par.?

lāṅgalī kalahārikā yāvadbhavati piṣṭiketi ko'rthaḥ tat suvarṇarasadravyaṃ yāvad dravatvaṃ prāpya piṣṭikā syāt tāvadrasair mardanīyam // (9) Par.?

asmatsampradāye tu pūrvoktaśodhitarase suvarṇapatrāṇi dattvā tadanu īṣadgandharajo dattvā upari pātraṃ saṃsthāpya gāḍhaṃ mardayet yāvad ghanabhasmavad bhavati paścāduktarasaiḥ saha saṃmardya golakārthaṃ piṣṭikāṃ kārayedityarthaḥ // (10) Par.?

tato hemnaścaturthāṃśaṃ ṭaṅkaṇaṃ tatra nikṣipet iti // (11) Par.?

tataḥ piṣṭīkaraṇānantaraṃ tatra piṣṭīkṛtadravye ṭaṅkaṇaṃ saubhāgyakṣāraṃ hemnaḥ suvarṇasya caturthāṃśaṃ kṣipet tena yadā suvarṇaṃ catuḥśāṇaṃ bhavati tadā ṭaṅkaṇaṃ śāṇamekamityarthaḥ // (12) Par.?

piṣṭamauktikacūrṇamiti // (13) Par.?

śodhitamauktikacūrṇaṃ suvarṇaparimāṇāddviguṇaṃ saṃgṛhya melayediti bhāvaḥ // (14) Par.?

teṣu pūrvoktadravyeṣu sarvasamaṃ samastadravyasāmyaṃ gandhakaṃ kṣiptvā sarvamekatra mardayed ityabhiprāyaḥ // (15) Par.?

mardanamatra pūrvoktarasairiti vyavahāraḥ // (16) Par.?

sarvasamamiti sarvaṃ pāradasuvarṇaṭaṅkaṇamauktikamityarthaḥ // (17) Par.?

teṣāṃ kṛtvā tato golaṃ vāsobhiḥ pariveṣṭayediti hastapāṭhyāṃ tu tadgolakarūpaṃ dravyaṃ pūrvaṃ śarāvasampuṭe kṛtvā tatsandhau sāmpradāyikīṃ mudrāṃ ca dattvā tadbhāṇḍaṃ gajapuṭavidhānena puṭet // (18) Par.?

paścāt svāṅgaśītatvaṃ dravyaṃ saṃgṛhya yāvatparimāṇaṃ pāradaṃ pūrvaṃ tāvatparimāṇam anyad gandhakaṃ ca dattvā saṃmardya ca pūrvavat puṭet mardanamatra pūrvoktarasair evaṃ siddho bhavati // (19) Par.?

śeṣaṃ subodhanam // (20) Par.?

Duration=0.077944993972778 secs.