Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4904

Click on a sentence to show its analysis
Keep the mouse pointer over a lemma to show its meanings.

athātaḥ śirorogavijñānīyaṃ vyākhyāsyāmaḥ / (1.1) Par.?

iti ha smāhurātreyādayo maharṣayaḥ / (1.2) Par.?

dhūmātapatuṣārāmbukrīḍātisvapnajāgaraiḥ / (1.3) Par.?

utsvedādhipurovātabāṣpanigraharodanaiḥ // (1.4) Par.?

atyambumadyapānena kṛmibhir vegadhāraṇaiḥ / (2.1) Par.?

upadhānamṛjābhyaṅgadveṣādhaḥpratatekṣaṇaiḥ // (2.2) Par.?

asātmyagandhaduṣṭāmabhāṣyādyaiśca śirogatāḥ / (3.1) Par.?

janayantyāmayān doṣāstatra mārutakopataḥ // (3.2) Par.?

nistudyete bhṛśaṃ śaṅkhau ghāṭā saṃbhidyate tathā / (4.1) Par.?

bhruvor madhyaṃ lalāṭaṃ ca patatīvātivedanam // (4.2) Par.?

bādhyete svanataḥ śrotre niṣkṛṣyete ivākṣiṇī / (5.1) Par.?

ghūrṇatīva śiraḥ sarvaṃ saṃdhibhya iva mucyate // (5.2) Par.?

sphuratyati sirājālaṃ kandharāhanusaṃgrahaḥ / (6.1) Par.?

prakāśāsahatā ghrāṇasrāvo 'kasmād vyathāśamau // (6.2) Par.?

mārdavaṃ mardanasnehasvedabandhaiśca jāyate / (7.1) Par.?

śirastāpo 'yam ardhe tu mūrdhnaḥ so 'rdhāvabhedakaḥ // (7.2) Par.?

pakṣāt kupyati māsād vā svayam eva ca śāmyati / (8.1) Par.?

ativṛddhastu nayanaṃ śravaṇaṃ vā vināśayet // (8.2) Par.?

śiro'bhitāpe pittotthe śirodhūmāyanaṃ jvaraḥ / (9.1) Par.?

svedo 'kṣidahanaṃ mūrchā niśi śītaiśca mārdavam // (9.2) Par.?

aruciḥ kaphaje mūrdhno gurustimitaśītatā / (10.1) Par.?

sirāniṣpandatālasyaṃ ruṅ mandāhnyadhikā niśi // (10.2) Par.?

tandrā śūnākṣikūṭatvaṃ karṇakaṇḍūyanaṃ vamiḥ / (11.1) Par.?

raktāt pittādhikarujaḥ sarvaiḥ syāt sarvalakṣaṇaḥ // (11.2) Par.?

saṃkīrṇair bhojanair mūrdhni kledite rudhirāmiṣe / (12.1) Par.?

kopite saṃnipāte ca jāyante mūrdhni jantavaḥ // (12.2) Par.?

śirasaste pibanto 'sraṃ ghorāḥ kurvanti vedanāḥ / (13.1) Par.?

cittavibhraṃśajananīr jvaraḥ kāso balakṣayaḥ // (13.2) Par.?

raukṣyaśophavyadhacchedadāhasphuraṇapūtitāḥ / (14.1) Par.?

kapāle tāluśirasoḥ kaṇḍūḥ śoṣaḥ pramīlakaḥ // (14.2) Par.?

tāmrācchasiṅghāṇakatā karṇanādaśca jantuje / (15.1) Par.?

vātolbaṇāḥ śiraḥkampaṃ tatsaṃjñaṃ kurvate malāḥ // (15.2) Par.?

pittapradhānair vātādyaiḥ śaṅkhe śophaḥ saśoṇitaiḥ / (16.1) Par.?

tīvradāharujārāgapralāpajvaratṛḍbhramāḥ // (16.2) Par.?

tiktāsyaḥ pītavadanaḥ kṣiprakārī sa śaṅkhakaḥ / (17.1) Par.?

trirātrājjīvitaṃ hanti sidhyatyapyāśu sādhitaḥ // (17.2) Par.?

pittānubaddhaḥ śaṅkhākṣibhrūlalāṭeṣu mārutaḥ / (18.1) Par.?

rujaṃ saspandanāṃ kuryād anusūryodayodayām // (18.2) Par.?

ā madhyāhnaṃ vivardhiṣṇuḥ kṣudvataḥ sā viśeṣataḥ / (19.1) Par.?

avyavasthitaśītoṣṇasukhā śāmyatyataḥ param // (19.2) Par.?

sūryāvartaḥ sa ityuktā daśa rogāḥ śirogatāḥ / (20.1) Par.?

śirasyeva ca vakṣyante kapāle vyādhayo nava // (20.2) Par.?

kapāle pavane duṣṭe garbhasthasyāpi jāyate / (21.1) Par.?

savarṇo nīrujaḥ śophastaṃ vidyād upaśīrṣakam // (21.2) Par.?

yathādoṣodayaṃ brūyāt piṭikārbudavidradhīn / (22.1) Par.?

kapāle kledabahulāḥ pittāsṛkśleṣmajantubhiḥ // (22.2) Par.?

kaṅgusiddhārthakanibhāḥ piṭikāḥ syurarūṃṣikāḥ / (23.1) Par.?

kaṇḍūkeśacyutisvāparaukṣyakṛt sphuṭanaṃ tvacaḥ // (23.2) Par.?

susūkṣmaṃ kaphavātābhyāṃ vidyād dāruṇakaṃ tu tat / (24.1) Par.?

romakūpānugaṃ pittaṃ vātena saha mūrchitam // (24.2) Par.?

pracyāvayati romāṇi tataḥ śleṣmā saśoṇitaḥ / (25.1) Par.?

romakūpān ruṇaddhyasya tenānyeṣām asaṃbhavaḥ // (25.2) Par.?

tad indraluptaṃ rujyāṃ ca prāhuścāceti cāpare / (26.1) Par.?

khalaterapi janmaivaṃ śātanaṃ tatra tu kramāt // (26.2) Par.?

sā vātād agnidagdhābhā pittāt svinnasirāvṛtā / (27.1) Par.?

kaphād ghanatvag varṇāṃśca yathāsvaṃ nirdiśet tvaci // (27.2) Par.?

doṣaiḥ sarvākṛtiḥ sarvairasādhyā sā nakhaprabhā / (28.1) Par.?

dagdhāgnineva nīromā sadāhā yā ca jāyate // (28.2) Par.?

śokaśramakrodhakṛtaḥ śarīroṣmā śirogataḥ / (29.1) Par.?

keśān sadoṣaḥ pacati palitaṃ sambhavatyataḥ // (29.2) Par.?

tad vātāt sphuṭitaṃ śyāvaṃ kharaṃ rūkṣaṃ jalaprabham / (30.1) Par.?

pittāt sadāhaṃ pītābhaṃ kaphāt snigdhaṃ vivṛddhimat // (30.2) Par.?

sthūlaṃ suśuklaṃ sarvaistu vidyād vyāmiśralakṣaṇam / (31.1) Par.?

śirorujodbhavaṃ cānyad vivarṇaṃ sparśanāsaham // (31.2) Par.?

asādhyā saṃnipātena khalatiḥ palitāni ca / (32.1) Par.?

śarīrapariṇāmotthānyapekṣante rasāyanam // (32.2) Par.?

Duration=0.17167401313782 secs.