Texts

śrīmārkaṇḍeya uvāca / (1.1) Par.?

gopeśvaraṃ tato gaccheduttare narmadātaṭe / (1.2) Par.?

yatra snānena caikena mucyante pātakair narāḥ // (1.3) Par.?

tatra tīrthe tu yaḥ snātvā kurute prāṇasaṃkṣayam / (2.1) Par.?

barhiyuktena yānena sa gacchecchivamandire // (2.2) Par.?

krīḍitvā suciraṃ kālaṃ śivaloke narādhipa / (3.1) Par.?

iha mānuṣyatāṃ prāpya rājā bhavati vīryavān // (3.2) Par.?

hastyaśvarathasampanno dāsīdāsasamanvitaḥ / (4.1) Par.?

pūjyamāno narendraiśca jīvedvarṣaśataṃ naraḥ // (4.2) Par.?

samprāpte kārttike māsi navamyāṃ śuklapakṣataḥ / (5.1) Par.?

sopavāsaḥ śucirbhūtvā dīpakāṃstatra dāpayet // (5.2) Par.?

gandhapuṣpaiḥ samabhyarcya rātrau kurvīta jāgaram / (6.1) Par.?

tasya yatphalamuddiṣṭaṃ tacchṛṇuṣva narādhipa // (6.2) Par.?

yāvatpuṇyaṃ phalaṃ saṃkhyā dīpakānāṃ tathaiva ca / (7.1) Par.?

tāvadyugasahasrāṇi śivaloke mahīyate // (7.2) Par.?

tasmiṃstīrthe tu rājendra liṅgapūraṇakaṃ vidhim / (8.1) Par.?

tathaiva padmakaiścaiva dadhibhaktaistathaiva ca // (8.2) Par.?

yastu kuryān naraśreṣṭha tasya puṇyaphalaṃ śṛṇu / (9.1) Par.?

yāvanti tilasaṃkhyāni dadhibhaktaṃ tathaiva ca // (9.2) Par.?

padmasaṃkhyā śive loke modate kālamīpsitam / (10.1) Par.?

tasmiṃstīrthe tu rājendra yatkiṃcid dīyate nṛpa // (10.2) Par.?

sarvaṃ koṭiguṇaṃ tasya saṃkhyātuṃ vā na śakyate / (11.1) Par.?

evaṃ te kathitaṃ sarvaṃ sarvatīrthamanuttamam // (11.2) Par.?

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe gopeśvaratīrthamāhātmyavarṇanaṃ nāma catuḥsaptatyuttaraśatatamo 'dhyāyaḥ // (12.1) Par.?