Texts

Help

Select a text:
Bibliography

Select a chapter:
1 revision

Associated topic(s): omina, presigns, nimittas, adbhuta, omen

Show parallels Show headlines
Use dependency labeler

Chapter id: 7755

Click on a sentence to show its analysis
Keep the mouse pointer over a lemma to show its meanings.

dakṣiṇena phalīkaraṇamuṣṭim uttarayā hutvā gatvottarāṃ japet // (1.1) Par.?

kruddham uttarābhyām abhimantrayeta vikrodho bhavati // (2.1) Par.?

asaṃbhavepsuḥ pareṣāṃ sthūlāḍhārikājīvacūrṇāni kārayitvottarayā suptāyāḥ sambādha upavapet // (3.1) Par.?

siddhyarthe babhrumūtreṇa prakṣālayīta // (4.1) Par.?

siddhyarthe yad asya gṛhe paṇyaṃ syāt tata uttarayā juhuyāt // (5.1) Par.?

yaṃ kāmayeta nāyaṃ mac chidyeteti jīvaviṣāṇe svaṃ mūtram ānīya suptam uttarābhyāṃ triḥ prasavyaṃ pariṣiñcet // (6.1) Par.?

yena pathā dāsakarmakarāḥ palāyeran tasminn iṇḍvāny upasamādhāyottarā āhutīr juhuyāt // (7) Par.?

yady enaṃ vṛkṣāt phalam abhinipated vayo vābhivikṣiped avarṣatarkye vā bindur abhinipatet tad uttarair yathāliṅgaṃ prakṣālayīta // (8.1) Par.?

āgārasthūṇāvirohaṇe madhuna upaveśane kuptvāṃ kapotapadadarśane 'mātyānāṃ śarīrareṣaṇe 'nyeṣu cādbhutotpāteṣv amāvāsyāyāṃ niśāyāṃ yatrāpāṃ na śṛṇuyāt tad agner upasamādhānādyājyabhāgānta uttarā āhutīr hutvā jayādi pratipadyate // (9.1) Par.?

pariṣecanāntaṃ kṛtvābhimṛtebhya uttarayā dakṣiṇato 'śmānaṃ paridhiṃ dadhāti // (10.1) Par.?

Duration=0.05533504486084 secs.