Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 4801
  • Click on a sentence to show its analysis
  • Keep the mouse pointer over a lemma to show its meanings.
athordhvapātanāyantramāha aṣṭāṅguleti // (1) Par.?
atha nyubjasthāpyasya viśālapṛṣṭhasya mṛtpātrasyāṅgulād adho 'ṅgulamitapṛṣṭhabhāgād adhobhāge toyādhāraḥ kāryaḥ // (2) Par.?
katham // (3) Par.?
aṣṭāṅgulaparīṇāham aṣṭāṅgulagarbhavistāraṃ yathā syāttathā // (4) Par.?
tathānāhena bandhena saha daśāṅgulaṃ yathā syāttathā bandha ālavālaṃ tatpradeśaṃ saṃgṛhya daśāṅgulavistāram ityarthaḥ // (5) Par.?
evaṃ ca bandhasthaulyam aṅguladvayamitaṃ garbhavistāraścāṣṭāṅgulamitaḥ kārya ityavatiṣṭhate // (6) Par.?
na ha bandhane // (7) Par.?
caturaṅgulocchrāyaṃ yathā syāttathā toyādhāraḥ pṛṣṭhe kārya ityarthaḥ // (8) Par.?
tādṛśādhāraviśiṣṭasya ṣoḍaśāṅgulavistīrṇapṛṣṭhasyoparivartinastasya bhāṇḍasyāsye'dho bhāṇḍamukhaṃ praveśayet // (9) Par.?
tato mukhapārśvayormahiṣīkṣīrādibhiḥ saṃdhiṃ liptvā viśoṣayet // (10) Par.?
cūrṇaḥ sudhā śvetaṃ lepadravyamityarthaḥ // (11) Par.?
pātanāyantramīritam // (12) Par.?
ūrdhvapātanāyantramuktamityarthaḥ // (13) Par.?
Duration=0.03754186630249 secs.