Texts

athopalabhya dehādi vastu kāryatvadharmakam / (1.1) Par.?

kartāram asya jānīmo viśiṣṭam anumānataḥ // (1.2) Par.?

yadyathā yādṛśaṃ yāvatkāryaṃ tatkāraṇaṃ tathā / (2.1) Par.?

nityaṃ kālānavacchedād vaitatyān na pradeśagam // (2.2) Par.?

kramākramasamutpatteḥ kramādyutpattiśaktimat / (3.1) Par.?

tasyāsti karaṇaṃ yena dṛṣṭā nākaraṇā kṛtiḥ // (3.2) Par.?

anāgāmi ca taj jñeyaṃ kāryasyānādisaṃsthiteḥ / (4.1) Par.?

karaṇaṃ ca na śaktyanyac chaktirnācetanā citaḥ // (4.2) Par.?

viṣayāniyamādekaṃ bodhe kṛtye ca tattathā / (5.1) Par.?

kāryaṃ na sthitijanmādi bījasya prakṛteraṇoḥ // (5.2) Par.?

pāriśeṣyān maheśasya muktasya śiva eva saḥ / (6.1) Par.?

sambandhāgrahaṇe bādhā mānasyābhyeti kasyacit // (6.2) Par.?

sā parasyāpi dhūmo'nyo girau māhānasādyataḥ / (7.1) Par.?

loke vapuṣmato dṛṣṭaṃ kṛtyaṃ so 'py asmadādivat // (7.2) Par.?

mūlādyasaṃbhavāc chāktaṃ vapur nas tādṛśaṃ prabhoḥ / (8.1) Par.?

tadvapuḥ pañcabhirmantraiḥ pañcakṛtyopayogibhiḥ // (8.2) Par.?

īśatatpuruṣāghoravāmājair mastakādikam / (9.1) Par.?

īṣṭe yena jagatsarvaṃ guṇenoparivartinā // (9.2) Par.?

sa mūrdhasamadeśatvānmūrdhā nāvayavastanoḥ / (10.1) Par.?

tasya tasya tanuryā pūs tasyām uṣati yena saḥ // (10.2) Par.?

tattrāṇād vyañjanāc cāpi sa tatpuruṣavaktrakaḥ / (11.1) Par.?

hṛdayaṃ bodhaparyāyaḥ so 'sya ghoraḥ śivo yataḥ // (11.2) Par.?

parigrahasya ghoratvād ghoroktir upacārataḥ / (12.1) Par.?

vāmas trivargavāmatvād rahasyaśca svabhāvataḥ // (12.2) Par.?

vāmaṃ dhāma paraṃ guhyaṃ yasyāsau vāmaguhyakaḥ / (13.1) Par.?

sadyo'ṇūnāṃ mūrtayaḥ sambhavanti yasyecchātas tena sadyo'bhidhānaḥ / (13.2) Par.?

sadyo mūrtīryogināṃ vā vidhatte sadyomūrtiḥ kṛtyaśaighryān na mūrteḥ // (13.3) Par.?

itthaṃ śaktiḥ kurvatī dehakṛtyaṃ dehābhāvāducyate dehaśabdaiḥ / (14.1) Par.?

tasyā bhedā ye 'pi vāmādayaḥ syuste 'pi proktāḥ kṛtyabhedena sadbhiḥ // (14.2) Par.?