Texts

sa itthaṃ vigraho'nena karaṇenāhataujasā / (1.1) Par.?

karoti sarvadā kṛtyaṃ yadā yadupapadyate // (1.2) Par.?

tatrādau kevalāṇūnāṃ yogyānāṃ kurute'ṣṭakam / (2.1) Par.?

vāmādiśaktibhir yuktaṃ saptakoṭiparicchadam // (2.2) Par.?

teṣāmanantaḥ sūkṣmaśca tathā caiva śivottamaḥ / (3.1) Par.?

ekanetraikarudrau ca trimūrtiścāmitadyutiḥ // (3.2) Par.?

śrīkaṇṭhaśca śikhaṇḍī ca rājarājeśvareśvarāḥ / (4.1) Par.?

īṣad aprāptayogatvānniyojyāḥ parameṣṭhinaḥ // (4.2) Par.?

sarvajñatvādiyoge'pi niyojyatvaṃ malāṃśataḥ / (5.1) Par.?

parasparaṃ viśiṣyante mantrāś caivam adhaḥ sthitāḥ // (5.2) Par.?

te ca mantreśvaravyaktaśivaśaktipracoditāḥ / (6.1) Par.?

kurvantyanugrahaṃ puṃsāṃ yadā yeṣāṃ sa yujyate // (6.2) Par.?

prayoktṛdehasāpekṣaṃ tadardhamakhile'dhvani / (7.1) Par.?

kṛtvādhikāraṃ sthityante śivaṃ viśati seśvaram // (7.2) Par.?

vinādhikaraṇenānyatpradhānavikṛter adhaḥ / (8.1) Par.?

kṛtvādhikāramīśeṣṭam apaiti svādhvasaṃhṛtau // (8.2) Par.?

tato'nantādyabhivyaktaḥ patīnāṃ granthitattvataḥ / (9.1) Par.?

kalādyārabdhadehānāṃ karotyaṣṭādaśaṃ śatam // (9.2) Par.?

tān apyāviśya bhagavān sāñjanān bhuvanādhipān / (10.1) Par.?

yebhyaḥ sarvamidaṃ yeṣāṃ śaktiḥ karmanibandhanā // (10.2) Par.?

praṇetṝn paśuśāstrāṇāṃ paśūṃs tadanuvartakān / (11.1) Par.?

svasādhyakārakopetān kāladhāmāvadhisthitān // (11.2) Par.?

sthitau sakārakānetān samākramya svatejasā / (12.1) Par.?

yunakti svārthasiddhyarthaṃ bhūtair anabhilakṣitaḥ // (12.2) Par.?

bhogasādhanamākṣipya kṛtvā kāraṇasaṃśrayam / (13.1) Par.?

tac ca sātmakamākramya viśramāyāvatiṣṭhate // (13.2) Par.?

bhavināṃ bhavakhinnānāṃ sarvabhūtahito yataḥ / (14.1) Par.?

svāpāvasānam āsādya punaḥ prāgvatpravartate // (14.2) Par.?

svāpe'pyāste bodhayan bodhayogyān rodhyān rundhan pācayankarmikarma / (15.1) Par.?

māyāśaktīr vyaktiyogyāḥ prakurvan paśyan sarvaṃ yadyathā vastujātam // (15.2) Par.?