Texts

Select a text:
Bibliography

Select a chapter:
(no revisions)

Associated topic(s): criminal investigation, murder, suicide

Show parallels Show headlines
Use dependency labeler

Chapter id: 11763

Click on a sentence to show its analysis
Keep the mouse pointer over a lemma to show its meanings.

tailābhyaktam āśumṛtakaṃ parīkṣeta // (1.1) Par.?

niṣkīrṇamūtrapurīṣaṃ vātapūrṇakoṣṭhatvakkaṃ śūnapādapāṇim unmīlitākṣaṃ savyañjanakaṇṭhaṃ pīḍananiruddhocchvāsahataṃ vidyāt // (2.1) Par.?

tam eva saṃkucitabāhusakthim udbandhahataṃ vidyāt // (3.1) Par.?

śūnapāṇipādodaram apagatākṣam udvṛttanābhim avaropitaṃ vidyāt // (4.1) Par.?

nistabdhagudākṣaṃ saṃdaṣṭajihvam ādhmātodaram udakahataṃ vidyāt // (5.1) Par.?

śoṇitānusiktaṃ bhagnabhinnagātraṃ kāṣṭhair aśmabhir vā hataṃ vidyāt // (6.1) Par.?

saṃbhagnasphuṭitagātram avakṣiptaṃ vidyāt // (7.1) Par.?

śyāvapāṇipādadantanakhaṃ śithilamāṃsaromacarmāṇaṃ phenopadigdhamukhaṃ viṣahataṃ vidyāt // (8.1) Par.?

tam eva saśoṇitadaṃśaṃ sarpakīṭahataṃ vidyāt / (9.1) Par.?

vikṣiptavastragātram ativāntaviriktaṃ madanayogahataṃ vidyāt // (9.2) Par.?

ato 'nyatamena kāraṇena hataṃ hatvā vā daṇḍabhayād udbaddhanikṛttakaṇṭhaṃ vidyāt // (10.1) Par.?

viṣahatasya bhojanaśeṣaṃ vayobhiḥ parīkṣeta // (11.1) Par.?

hṛdayād uddhṛtyāgnau prakṣiptaṃ ciṭiciṭāyadindradhanurvarṇaṃ vā viṣayuktaṃ vidyāt dagdhasya hṛdayam adagdhaṃ dṛṣṭvā vā // (12.1) Par.?

tasya paricārakajanaṃ vāgdaṇḍapāruṣyātilabdhaṃ mārgeta duḥkhopahatam anyaprasaktaṃ vā strījanaṃ dāyavṛttistrījanābhimantāraṃ vā bandhum // (13.1) Par.?

tad eva hatodbaddhasya parīkṣeta // (14.1) Par.?

svayam udbaddhasya vā viprakāram ayuktaṃ mārgeta // (15.1) Par.?

sarveṣāṃ vā strīdāyādyadoṣaḥ karmaspardhā pratipakṣadveṣaḥ paṇyasaṃsthāsamavāyo vā vivādapadānām anyatamad vā roṣasthānam // (16.1) Par.?

roṣanimitto ghātaḥ // (17.1) Par.?

svayamādiṣṭapuruṣair vā corair arthanimittaṃ sādṛśyād anyavairibhir vā hatasya ghātam āsannebhyaḥ parīkṣeta // (18.1) Par.?

yenāhūtaḥ saha sthitaḥ prasthito hatabhūmim ānīto vā tam anuyuñjīta // (19.1) Par.?

ye cāsya hatabhūmāvāsannacarās tān ekaikaśaḥ pṛcchet kenāyam ihānīto hato vā kaḥ saśastraḥ saṃgūhamāna udvigno vā yuṣmābhir dṛṣṭaḥ iti // (20.1) Par.?

te yathā brūyustathānuyuñjīta // (21.1) Par.?

anāthasya śarīrastham upabhogaṃ paricchadam / (22.1) Par.?

vastraṃ veṣaṃ vibhūṣāṃ vā dṛṣṭvā tadvyavahāriṇaḥ // (22.2) Par.?

anuyuñjīta saṃyogaṃ nivāsaṃ vāsakāraṇam / (23.1) Par.?

karma ca vyavahāraṃ ca tato mārgaṇam ācaret // (23.2) Par.?

rajjuśastraviṣair vāpi kāmakrodhavaśena yaḥ / (24.1) Par.?

ghātayet svayam ātmānaṃ strī vā pāpena mohitā // (24.2) Par.?

rajjunā rājamārge tāṃścaṇḍālenāpakarṣayet / (25.1) Par.?

na śmaśānavidhisteṣāṃ na sambandhikriyāstathā // (25.2) Par.?

bandhusteṣāṃ tu yaḥ kuryāt pretakāryakriyāvidhim / (26.1) Par.?

tadgatiṃ sa caret paścāt svajanād vā pramucyate // (26.2) Par.?

saṃvatsareṇa patati patitena samācaran / (27.1) Par.?

yājanādhyāpanād yaunāt taiścānyo 'pi samācaran // (27.2) Par.?

Duration=0.084594964981079 secs.