Texts

Help

Select a text:
Bibliography

Select a chapter:
(no revisions)

Associated topic(s): bali

Show parallels Show headlines
Use dependency labeler

Chapter id: 15411

Click on a sentence to show its analysis
Keep the mouse pointer over a lemma to show its meanings.

vaiśvadevasya siddhasya sāyaṃ prātar baliṃ haret // (1) Par.?

agnīṣomau dhanvantariṃ viśvān devān prajāpatim agniṃ sviṣṭakṛtam ity evaṃ homo vidhīyate // (2) Par.?

atha baliṃ haraty agnaye namaḥ somāya dhanvantaraye viśvebhyo devebhyaḥ prajāpataye agnaye sviṣṭakṛta ity agnyāgāra uttarām uttarām // (3) Par.?

adbhya ity udakumbhasakāśe // (4) Par.?

oṣadhibhya ity oṣadhibhyo vanaspatibhya iti gṛhamadhyamāyāṃ sthūṇāyām // (5) Par.?

gṛhyābhyo devatābhya iti gṛhamadhye // (6) Par.?

dharmāyādharmāyeti dvāre // (7) Par.?

mṛtyava ākāśāyety ākāśe // (8) Par.?

antargoṣṭhāyety antargoṣṭhe // (9) Par.?

bahir vaiśravaṇāyeti bahiḥ prācīm // (10) Par.?

viśvebhyo devebhya iti veśmani // (11) Par.?

indrāyendrapuruṣebhya iti purastāt // (12) Par.?

yamāya yamapuruṣebhya iti dakṣiṇataḥ // (13) Par.?

varuṇāya varuṇapuruṣebhya iti paścāt // (14) Par.?

somāya somapuruṣebhya ity uttarataḥ // (15) Par.?

brahmaṇe brahmapuruṣebhya iti madhye // (16) Par.?

prācīm āpātikebhyaḥ sampātikebhya ṛkṣebhyo yakṣebhyaḥ pipīlikābhyaḥ piśācebhyo 'psarobhyo gandharvebhyo guhyakebhyaḥ śailebhyaḥ pannagebhyaḥ // (17) Par.?

divācāribhyo bhūtebhya iti divā naktaṃcāribhyo bhūtebhya iti naktam // (18) Par.?

dhanvantaraye dhanvantaritarpaṇam // (19) Par.?

adbhiḥ saṃsṛjya pitṛbhyaḥ svadheti śeṣaṃ dakṣiṇā bhūmau ninayet // (20) Par.?

pāṇī prakṣālyācamyātithiṃ bhojayitvāvaśiṣṭasyāśnīyāt // (21) Par.?

Duration=0.037198066711426 secs.