Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5895

Click on a sentence to show its analysis
Keep the mouse pointer over a lemma to show its meanings.

prītyātmakā aprītyātmakā viṣādātmakāśca guṇāḥ sattvarajastamāṃsītyarthaḥ / (1.1) Par.?

tatra prītyātmakaṃ sattvam / (1.2) Par.?

prītiḥ sukhaṃ tadātmakam iti / (1.3) Par.?

aprītyātmakaṃ rajaḥ / (1.4) Par.?

aprītir duḥkham / (1.5) Par.?

viṣādātmakaṃ tamaḥ / (1.6) Par.?

viṣādo mohaḥ / (1.7) Par.?

tathā prakāśapravṛttiniyamārthāḥ / (1.8) Par.?

arthaśabdaḥ sāmarthyavācī prakāśārthaṃ sattvaṃ prakāśasamartham ity arthaḥ / (1.9) Par.?

pravṛttyarthaṃ rajaḥ / (1.10) Par.?

niyamārthaṃ tamaḥ / (1.11) Par.?

sthitau samartham ity arthaḥ / (1.12) Par.?

prakāśakriyāsthitiśīlā guṇā iti / (1.13) Par.?

tathānyonyābhibhavāśrayajananamithunavṛttayaśca / (1.14) Par.?

anyonyābhibhavā anyonyāśrayā anyonyajananā anyonyamithunā anyonyavṛttayaśca te tathoktāḥ / (1.15) Par.?

anyonyābhibhavā iti anyonyaṃ parasparam abhibhavantīti / (1.16) Par.?

prītyaprītyādibhir dharmair āvirbhavanti / (1.17) Par.?

yathā yadā sattvam utkaṭaṃ bhavati tadā rajastamasī abhibhūya svaguṇaiḥ prītiprakāśātmanāvatiṣṭhate / (1.18) Par.?

yadā rajas tadā sattvatamasī aprītipravṛttidharmeṇa / (1.19) Par.?

yadā tamas tadā sattvarajasī viṣādasthityātmakeneti / (1.20) Par.?

tathānyonyāśrayāśca dvyaṇukavad guṇāḥ / (1.21) Par.?

anyonyajananā yathā mṛtpiṇḍo ghaṭaṃ janayati / (1.22) Par.?

tathānyonyamithunāśca yathā strīpuṃsāvanyonyamithunau tathā guṇāḥ / (1.23) Par.?

uktaṃ ca / (1.24) Par.?

rajaso mithunaṃ sattvaṃ sattvasya mithunaṃ rajaḥ / (1.25) Par.?

ubhayoḥ sattvarajasor mithunaṃ tama ucyate // (1.26) Par.?

parasparasahāyā ity arthaḥ / (2.1) Par.?

anyonyavṛttayaśca parasparaṃ vartante / (2.2) Par.?

guṇā guṇeṣu vartanta iti vacanāt / (2.3) Par.?

yathā surūpā suśīlā strī sarvasukhahetuḥ sapatnīnāṃ saiva duḥkhahetuḥ saiva rāgiṇāṃ mohaṃ janayatyevaṃ sattvaṃ rajastamasor vṛttihetuḥ / (2.4) Par.?

yathā rājā sadodyuktaḥ prajāpālane duṣṭanigrahe śiṣṭānāṃ sukham utpādayati duṣṭānāṃ duḥkhaṃ mohaṃ caivaṃ rajaḥ sattvatamasor vṛttiṃ janayati / (2.5) Par.?

tathā tamaḥ svarūpeṇāvaraṇātmakena sattvarajasor vṛttiṃ janayati / (2.6) Par.?

yathā meghāḥ kham āvṛtya jagataḥ sukham utpādayanti te vṛṣṭyā karṣakāṇāṃ karṣaṇodyogaṃ janayanti virahiṇāṃ moham / (2.7) Par.?

evaṃ anyonyavṛttayo guṇāḥ / (2.8) Par.?

kiṃ cānyat // (2.9) Par.?

Duration=0.085147142410278 secs.