Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5916

Click on a sentence to show its analysis
Keep the mouse pointer over a lemma to show its meanings.

yugapaccatuṣṭayasya / (1.1) Par.?

buddhyahaṃkāramanasām ekaikendriyasaṃbandhe sati catuṣṭayaṃ bhavati / (1.2) Par.?

catuṣṭayasya dṛṣṭe prativiṣayādhyavasāye yugapad vṛttiḥ / (1.3) Par.?

buddhyahaṃkāramanaścakṣūṃṣi yugapad ekakālaṃ rūpaṃ paśyanti sthāṇurayam iti / (1.4) Par.?

buddhyahaṃkāramanojihvā yugapad rasaṃ gṛhṇanti / (1.5) Par.?

buddhyahaṃkāramanoghrāṇāni yugapad gandhaṃ gṛhṇanti / (1.6) Par.?

tathā tvakśrotre api / (1.7) Par.?

kiṃca kramaśaśca tasya nirdiṣṭā / (1.8) Par.?

tasyeti catuṣṭayasya kramaśaśca vṛttir bhavati / (1.9) Par.?

yathā kaścit pathi gacchan dūrād eva dṛṣṭvā sthāṇur ayaṃ puruṣo veti saṃśaye sati / (1.10) Par.?

tatroparūḍhaṃ talliṅgaṃ paśyati śakuniṃ vā / (1.11) Par.?

tatas tasya manasā saṃkalpite saṃśaye vyavacchedabhūtā buddhir bhavati sthāṇur ayam iti / (1.12) Par.?

ato 'haṃkāraśca niścayārthaṃ sthāṇur eveti / (1.13) Par.?

evaṃ buddhyahaṃkāramanaścakṣuṣāṃ kramaśo vṛttir dṛṣṭā / (1.14) Par.?

yathā rūpe tathā śabdādiṣvapi boddhavyā / (1.15) Par.?

dṛṣṭe dṛṣṭaviṣaye / (1.16) Par.?

kiṃcānyat tathāpyadṛṣṭe trayasya tatpūrvikā vṛttiḥ / (1.17) Par.?

adṛṣṭe 'nāgate 'tīte ca kāle buddhyahaṃkāramanasāṃ rūpe cakṣuḥpūrvikā trayasya vṛttiḥ sparśe tvakpūrvikā gandhe ghrāṇapūrvikā rase rasanapūrvikā śabde śravaṇapūrvikā buddhyahaṃkāramanasām anāgate bhaviṣyati kāle 'tīte ca tatpūrvikā vṛttiḥ / (1.18) Par.?

vartamāne yugapat kramaśaśceti / (1.19) Par.?

kiṃca // (1.20) Par.?

Duration=0.10301280021667 secs.