Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5924

Click on a sentence to show its analysis
Keep the mouse pointer over a lemma to show its meanings.

yāni pañca tanmātrāṇyahaṃkārād utpadyante tāni śabdatanmātraṃ sparśatanmātraṃ rūpatanmātraṃ rasatanmātraṃ gandhatanmātram / (1.1) Par.?

etānyaviśeṣā ucyante / (1.2) Par.?

devānām ete sukhalakṣaṇā viṣayā duḥkhamoharahitāḥ / (1.3) Par.?

tebhyaḥ pañcabhyaḥ tanmātrebhyaḥ pañca mahābhūtāni pṛthivyaptejovāyvākāśasaṃjñāni yānyutpadyante / (1.4) Par.?

ete smṛtā viśeṣāḥ / (1.5) Par.?

gandhatanmātrāt pṛthivī rūpatanmātrāt tejo rasatanmātrād āpaḥ sparśatanmātrād vāyuḥ śabdatanmātrād ākāśam iti / (1.6) Par.?

evam utpannānyetāni mahābhūtāni / (1.7) Par.?

ete viśeṣā mānuṣāṇāṃ viṣayāḥ śāntāḥ sukhalakṣaṇā ghorā duḥkhalakṣaṇā mūḍhā mohalakṣaṇāḥ / (1.8) Par.?

yathākāśaṃ kasyacid anavakāśād antargṛhāder nirgatasya sukhātmakaṃ śāntaṃ bhavati tad eva śītoṣṇavātavarṣābhibhūtasya duḥkhātmakaṃ ghoraṃ bhavati tad eva panthānaṃ gacchato vanamārgād bhraṣṭasya diṅmohān mūḍhaṃ bhavati / (1.9) Par.?

evaṃ vāyur gharmāt tasya śānto bhavati śītārtasya ghoro dhūlīśarkarāvimiśro 'tivān mūḍha iti / (1.10) Par.?

evaṃ tejaḥprabhṛtiṣu draṣṭavyam / (1.11) Par.?

atha 'nye viśeṣāḥ // (1.12) Par.?

Duration=0.052939891815186 secs.