Texts

aśvattho devasadana ity ajāyatānte // (1.1) Par.?

devebhyo adhi jāto 'si somasya sakhā hitaḥ / (2.1) Par.?

sa prāṇāyāpānāya cakṣuṣe 'sya mṛḍa // (2.2) Par.?

ayasmaye drupade bedhiṣa id abhihito mṛtyubhir ye sahasram / (3.1) Par.?

yamo mahyaṃ punar u tvāṃ dadāti tasmai devāya haviṣā vidhema // (3.2) Par.?

yat te devī nirṛtir ābabandha dāma grīvāsv avicartyam / (4.1) Par.?

tat te vi ṣyāmy āyuṣe balāyānamīvaṃ pitum addhi prasūtaḥ // (4.2) Par.?

namo 'stu te nirṛte viśvavāre ayasmayaṃ vi cṛtā bandham etam / (5.1) Par.?

yamena tvaṃ pitṛbhiḥ saṃvidānottame nāke adhi rohayemam // (5.2) Par.?

antardāvāya juhutā sv etad yātudhānakṣayaṇaṃ ghṛtena / (6.1) Par.?

ārād rakṣāṃsi prati dahāgne māsmākaṃ tanvam upa tītapanta // (6.2) Par.?

śarvo vo grīvā aśarīt piśācāḥ pṛṣṭīr vo 'pi śṛṇātv agniḥ / (7.1) Par.?

vīrud vo viśvadhāvīryā mṛtyunā sam ajīgamat // (7.2) Par.?

apiśācaṃ no adharād apiśācaṃ na uttarāt / (8.1) Par.?

indrāpiśācaṃ naḥ paścād apiśācaṃ puras kṛdhi // (8.2) Par.?

indraś cakāra prathamo nairhastam asurebhyaḥ / (9.1) Par.?

vṛścāmaḥ śatrūṇāṃ bāhū anena haviṣā vayam // (9.2) Par.?

nirhastaḥ śatrur abhidāsan no astu ye senābhir yudham āyanty asmān / (10.1) Par.?

sam arpayendra mahatā vadhena drātv eṣām aghahāro vividdhaḥ // (10.2) Par.?

ava manyur avāyatā ava bāhū manoyujā / (11.1) Par.?

parāśara tvaṃ teṣāṃ parāñcaṃ śuṣmam ardayārvācīṃ rayim ā kṛdhi // (11.2) Par.?

ātanvānā āyacchanto asyanto ye ca dhāvatha / (12.1) Par.?

nirhastāḥ śatrava stendro vo 'dya parāśarīt // (12.2) Par.?

nirhastāḥ santu śatravo 'ṅgaiṣāṃ mlāpayāmasi / (13.1) Par.?

athaiṣām indra vedāṃsi yūtheṣu vi bhajāmahai // (13.2) Par.?

nirhastebhyo nairhastaṃ yaṃ devāḥ śarum asyatha / (14.1) Par.?

jayantu satvāno mama sthireṇendreṇa medinā // (14.2) Par.?