Texts

Help

Select a text:
Bibliography
Select a chapter:
 1 revision
Show parallels  Show headlines
Use dependency labeler
Chapter id: 17515
  • Click on a sentence to show its analysis
  • Keep the mouse pointer over a lemma to show its meanings.
Sūkta 1
yathā sūryo nakṣatrāṇāṃ varcāṃsi yuvate divaḥ / (1.1) Par.?
evā sapatnānām ahaṃ varca indriyam ā dade // (1.2) Par.?
yac ca varcaḥ sapatnānāṃ bhrātṛvyeṣu ca yad yaśaḥ / (2.1) Par.?
tad indro vṛtrahā dhātā savitādīdharan mayi // (2.2) Par.?
yāś ca gāvaḥ sapatnānāṃ bhrātṛvyeṣu ca yad vasu / (3.1) Par.?
tan nirjyeyam iva jītvā savitādīdharan mayi // (3.2) Par.?
Sūkta 2
satyam eva jayatu mānṛtaṃ satyasya panthā ṛjur astu sādhuḥ / (4.1) Par.?
satyaṃ vadantaḥ samidhe vidhema satyena dyāvāpṛthivī aprathetām // (4.2) Par.?
vāgbhāgasya ca satyena rudrasya sumanasyayā / (5.1) Par.?
indreṇādhibruvatā vayaṃ viśaṃ prāśi videmahi // (5.2) Par.?
yā te rudreṣur āyatā vāci vā te araṃkṛtā / (6.1) Par.?
yenedaṃ vivadāmahe tasya prāśaṃ tvaṃ jahi // (6.2) Par.?
jahi tvaṃ tasya prāśam uta satyām utānṛtām / (7.1) Par.?
yo asmān indra vṛtrahan vācā prāśaṃ jigīṣati // (7.2) Par.?
utpam ut pṛṇa bahvīha sīdedaṃ pṛṇa / (8.1) Par.?
uto divaḥ sma siñcatāt samudrasyeva madhyataḥ // (8.2) Par.?
samudraś ca śatadhāraḥ sahasradhāro akṣitaḥ / (9.1) Par.?
purastād indra ācarat pūrṇagoṣṭha idaṃ pṛṇa // (9.2) Par.?
ihopa pṛṇa saṃ pṛṇa vṛṣaprajananāḥ kṛdhi / (10.1) Par.?
iha gāvaḥ pra jāyadhvam ihāśvā iha pūruṣāḥ / (10.2) Par.?
iho sahasradakṣiṇo abhi prātā ni ṣīdatu // (10.3) Par.?
Sūkta 4
jyeṣṭhaghnyai nakṣatrāṇām ahne rātryā idaṃ namaḥ / (11.1) Par.?
juhomi viśvakarmaṇe sa śivo mṛḍayāti naḥ // (11.2) Par.?
mā jyeṣṭhaṃ vadhīd ayam agna eṣāṃ mūlabarhaṇaṃ pari vṛṇakty enam / (12.1) Par.?
grāhyāḥ pāśān vi cṛta prajānan pitāputrau mātaraṃ muñca sarvān // (12.2) Par.?
un muñca pāśāṃs tvam agna eṣāṃ trayas tribhir utsitā yebhir āsan / (13.1) Par.?
māyaṃ hiṃsīt pitaraṃ vardhamāno mā mātaraṃ pra minīd yā janitrī // (13.2) Par.?
grāhyāḥ pāśān vi cṛta ye sinanti yān brahmaṇā parivṛñjanti vedhasaḥ / (14.1) Par.?
un muñca pāśāṃs tvam agna eṣāṃ taj jātasyān aharahar astu bhadram // (14.2) Par.?
Sūkta 5
ni vartadhvaṃ mānu gātāsmān siṣakta revatīḥ / (15.1) Par.?
agnīṣomā punarvasū asya vardhayataṃ rayim // (15.2) Par.?
punar enā ni vartaya punar enā upākuru / (16.1) Par.?
indra enā ni yacchatv agnir enā upājatu // (16.2) Par.?
pari vo viśvato dadha ūrjā ghṛtena payasā / (17.1) Par.?
ye devāḥ ke ca yajñiyās te rayyā saṃ sṛjantu mā // (17.2) Par.?
Duration=0.11519694328308 secs.