Texts

Select a text:
Bibliography

Select a chapter:
1 revision
Show parallels Show headlines
Use dependency labeler

Chapter id: 17519

Sūkta 1

sāhasī nāma vā asi sahasas pari jajñiṣe / (1.1) Par.?

sahasvān indro deveṣu sahase tvā khanāmasi // (1.2) Par.?

sahasyena bheṣajena divyena śataparvaṇā / (2.1) Par.?

tena sahasrakāṇḍena kṛṇomi punarābhṛtim // (2.2) Par.?

sahaso 'haṃ bheṣajasya divyasya nāma jagrabha / (3.1) Par.?

vy āśiṣaiva tasthire yakṣmāsaḥ puruṣād adhi // (3.2) Par.?

Sūkta 2

apeta etu nirṛtir nehāsyā api kiṃ cana / (4.1) Par.?

apāsyāḥ satvanaḥ pāśān mṛtyūn ekaśataṃ nude // (4.2) Par.?

ye te pāśā ekaśataṃ mṛtyo martyāya hantave / (5.1) Par.?

tāṃs te yajñasya māyayā sarvāṁ apa yajāmasi // (5.2) Par.?

nir ito yantu nairṛtā mṛtyava ekaśataṃ paraḥ / (6.1) Par.?

sedhāma eṣāṃ yat tamaḥ prāṇaṃ jyotiś ca dadhmahe // (6.2) Par.?

Sūkta 3

triṣaptā vāraṇā imās tābhir mām indro abravīt / (7.1) Par.?

viṣaṃ vārayatām iti viṣaṃ dūṣayatād iti // (7.2) Par.?

apa brūtedaṃ maruto mahīndrasyāpavācanī / (8.1) Par.?

eṣā sahasram arhaty eṣā vārayate viṣam // (8.2) Par.?

asthād dyaur asthāt pṛthivy asthād viśvam idaṃ jagat / (9.1) Par.?

asthur viṣasyābhītayaḥ pratikūla ivābalaḥ // (9.2) Par.?

Sūkta 4

yathā bāṇaḥ susaṃśitaḥ parāpataty āśumat / (10.1) Par.?

evā kāse parā pata sākaṃ vātasya dhrājyā // (10.2) Par.?

yathā cakṣuś cakṣuṣmataḥ parāpatati ketumat / (11.1) Par.?

evā kāse parā pata sākaṃ sūryasya raśmibhiḥ // (11.2) Par.?

yathā mano manyuketuṃ parāpatati yojanā / (12.1) Par.?

evā kāse parā pata samudrasyānu vikṣaram // (12.2) Par.?

Sūkta 5

ita evāva gacchatogrā bhavata mābalāḥ / (13.1) Par.?

hvayantu sarve vo devāḥ sarvā vo vṛṇatāṃ viśaḥ // (13.2) Par.?

yad avagamena haviṣāva vo gamayāmasi / (14.1) Par.?

atrā ta indraḥ kevalīr viśo balihṛtas karat // (14.2) Par.?

indraḥ kaśyapa ād agnir iḍā turīyā vaḥ sakhā / (15.1) Par.?

yad bhūtaṃ bhavyam āsanvat tenāva gamayāmi vaḥ // (15.2) Par.?

Duration=0.091633081436157 secs.