Texts

Select a text:
Bibliography

Select a chapter:
1 revision
Show parallels Show headlines
Use dependency labeler

Chapter id: 17574

Sūkta 1

abhi tvā śatapāśayātho sahasrapāśayā / (1.1) Par.?

dāśo matsyam iva tīdena mayi badhnāmi te manaḥ // (1.2) Par.?

ā hi te dakṣiṇaṃ padaṃ hṛdayyaṃ dade / (2.1) Par.?

upasthe padam opi ni tvām akri sve vaśe // (2.2) Par.?

pari tvā gām ivāsaraṃ mama patto nipattave / (3.1) Par.?

tan mārutaṃ ha vairudham āvataṃkaraṇaṃ kṛtam // (3.2) Par.?

Sūkta 2

ā nayāmi te mano aśvam ivāśvābhidhānyā / (4.1) Par.?

upa te muñce manaḥ pador upānahau yathā // (4.2) Par.?

yathā surety ekā // (5.1) Par.?

evā kṛṇuṣva mā priyām antaḥ kṛṇuṣva mā hṛdi / (6.1) Par.?

yathā man nāpacetayā nānyāsāṃ kīrtayāś cana // (6.2) Par.?

Sūkta 3

yasyedaṃ vaiṣṭapaṃ havir bhagasya hastayor hitam / (7.1) Par.?

tenā tvābhi mṛśāmasi saubhāgyāya svastaye // (7.2) Par.?

bhaga memāṃ chambaṭ karo mā paścān mā puro daghaḥ / (8.1) Par.?

adhā bhagasya yo bhagas tenemāṃ saṃ sṛjā bhaga // (8.2) Par.?

bhagena tvā saṃ sṛjāmi māsareṇa surām iva / (9.1) Par.?

yathāsasi priyā patyur devṛbhyaḥ subhagāsasi // (9.2) Par.?

Sūkta 4

ud ito daivyaṃ vaca iṣum iva tūṇyaḥ khide / (10.1) Par.?

tenā sapatnān māmakān sāsahāni jahāni ca // (10.2) Par.?

agnir mā pātu vasubhiḥ purastāt savitādityair abhi pātu dakṣiṇāt / (11.1) Par.?

indro marudbhir abhi pātu paścād viśve devā abhi rakṣantu mottarāt // (11.2) Par.?

devarakṣasān mā pāhi manuṣyarakṣasān mā pāhi / (12.1) Par.?

viśvasmān mā rakṣasas pāhi // (12.2) Par.?

Sūkta 5

asau yas trikakud giriḥ śṛṅgābhyām abhitiṣṭhati / (13.1) Par.?

sa saṃpatatram udyugaṃ balāsam ava tiṣṭhatu // (13.2) Par.?

divyaḥ suparṇa āpatad ayodaṃṣṭro ayomukhaḥ / (14.1) Par.?

sa saṃpatatram udyugam ito yakṣmaṃ parābharat // (14.2) Par.?

sākaṃ balāsa pra pata cāṣeṇa kikidīvyā / (15.1) Par.?

sākaṃ vātasya dhrājyā saha naśya nihākayā // (15.2) Par.?

Duration=0.095684051513672 secs.