Texts

somasya prāṇaḥ pavate purastād dakṣiṇata aindra ā vātu vātaḥ / (1.1) Par.?

asyā diśo māruto yā pratīcī sa no devāḥ śivo astv iha vātaḥ // (1.2) Par.?

mitrasya prāṇaḥ pavate ya uttarād bṛhaspater ūrdhva ud vātu vātaḥ / (2.1) Par.?

yo antarikṣam anuvāti vidvān sa no devāḥ śivo astv iha vātaḥ // (2.2) Par.?

ya uttarāt pavate yaḥ purastād yo dakṣiṇāt pavate yaś ca paścāt / (3.1) Par.?

ūrdhvāṁ uddeśāṁ anu yaḥ pravāti sa no devāḥ śivo astv iha vātaḥ // (3.2) Par.?

trīṇy antarikṣāṇy anu vāsi vāta tisro vāsi parāvataḥ / (4.1) Par.?

sahasrākṣo vṛtrahā pāhy arvāṅ vinudan kṣetriyaṃ rapaḥ // (4.2) Par.?

na tatra dāraḥ kṛpaṇaṃ sasāra na pratighnānā rudatī na bibhratī / (5.1) Par.?

indro no yatrorukṛd vicakṣaṇaḥ sa no 'jyāniṃ mahatīṃ ni yacchāt // (5.2) Par.?

indraḥ senāṃ mohayatu maruto ghnantv ojasā / (6.1) Par.?

agner vātasya dhrājyā tān viṣūco vi nāśaya // (6.2) Par.?

na dyaur eṣāṃ na pṛthivī nāditir na dhanaṃjayā / (7.1) Par.?

cakṣūṃṣy agnir ā dattāṃ punar yantu parājitāḥ // (7.2) Par.?

amitrāṇāṃ daraya grāmam indra yo naḥ śatrur abhyeti jighāṃsan / (8.1) Par.?

yathaiṣām indranuttānām agninā veśo anu vartayāni me // (8.2) Par.?

jihmaṃ yugaṃ kṛṇvatām indranuttāḥ parācīnaiḥ pathibhir yantu riṣyantaḥ / (9.1) Par.?

tāñ jayanto anvāsademāgninā veśo anuvartayantaḥ // (9.2) Par.?

amitrāṇāṃ grāmam upayuktam indreṇa nuttaṃ vi radāty agniḥ / (10.1) Par.?

satvānaḥ santv anumādyā ime yebhyaś carāmi haviṣā ghṛtena // (10.2) Par.?

aryamaṇaṃ hi devaṃ bhadraṃ kanyā ayakṣata / (11.1) Par.?

sa enā vṛtrahā deva ito muñcatu māmutaḥ // (11.2) Par.?

iyaṃ te rājan varuṇa jāmikā kṛṇute haviḥ / (12.1) Par.?

tasyai patiṃ ny ā vaha subhadraṃ pratikāmyam // (12.2) Par.?

ā krandaya dhanapate varam āmanasaṃ kṛṇu / (13.1) Par.?

sarvaṃ pradakṣiṇaṃ kṛdhi patim asyai pratikāmyam // (13.2) Par.?

ā paścād ā purastād ottarād adharād uta / (14.1) Par.?

pūrṇā bhagasya vartanis tenemām abhi vartayāmasi varcasā ca bhagena ca // (14.2) Par.?

nāsṛg asti pataṅgasya tardasya maśakādyāḥ / (15.1) Par.?

nyak saṃpatatram udyugo nyag glaur atra bhaviṣyati // (15.2) Par.?

apadaskad apādasat tuṇḍivadhnāpādasat / (16.1) Par.?

apāpacito 'dasan apeto glaur naśiṣyaty apavadhna naśiṣyati // (16.2) Par.?

yathā sūryaś candramasam udyann evāpagūhati / (17.1) Par.?

evā tvam ugra oṣadha imāṃ glāvam apa gūhatād itaḥ // (17.2) Par.?