Texts

pratīkaṃ me vicakṣaṇam akṣyau me madhukāśinī / (1.1) Par.?

karṇābhyāṃ bhūri śuśrava // (1.2) Par.?

jihvā me madhusaṃsrāvā jihvā me madhuvādinī / (2.1) Par.?

tayāham adya jihvayodyāsaṃ madhumad vacaḥ // (2.2) Par.?

yathā madhu madhukṛtaḥ saṃbharanti madhāv adhi / (3.1) Par.?

evāham adya cchandobhir udyāsaṃ madhumad vacaḥ // (3.2) Par.?

vāyoḥ pūtaḥ pavitreṇa pratyaṅ somo adhisrutaḥ / (4.1) Par.?

indrasya yujyaḥ sakhā // (4.2) Par.?

yat kiṃ cedaṃ varuṇa daivye jane abhidrohaṃ manuṣyāś caranti / (5.1) Par.?

ati cet tava dharmā yuyopima mā nas tasmād enaso deva rīriṣaḥ // (5.2) Par.?

āpo asmān mātara ity ekā // (6.1) Par.?

mitraś ca samrāḍ varuṇaś ca rājā tau te bhakṣaṃ kṛṇutāṃ prātar agre / (7.1) Par.?

tayor aham anu bhakṣaṃ kṛṇomi sūryavarcā bhagabhakto na ā viśa // (7.2) Par.?

sūryavarcā na ā viśa viśvavin manasas patiḥ / (8.1) Par.?

anehā soma jāgṛvir indraḥ prīta stuto nṛbhiḥ // (8.2) Par.?

indra prītasya te vayaṃ śakrasya rocanāvataḥ / (9.1) Par.?

bhakṣīmahi prajām iṣaṃ sāhasrasya yaśasvinaḥ // (9.2) Par.?

agniḥ prātaḥsavane pātv asmān vaiśvānaraḥ pathikṛd viśvakṛṣṭiḥ / (10.1) Par.?

sa naḥ pāvako draviṇe dadhāty āyuṣmantaḥ sahabhakṣāḥ syāma // (10.2) Par.?

viśve devā maruta indro asmān asmin dvitīye savane na jahyuḥ / (11.1) Par.?

āyuṣmantaḥ priyam eṣāṃ vadanto vayaṃ devānāṃ sumatau syāma // (11.2) Par.?

idaṃ tṛtīyaṃ savanaṃ kavīnām ṛtena yac camasaṃ samairayan / (12.1) Par.?

saudhanvanā amṛtam ānaśānāḥ sviṣṭiṃ no abhi vasyo nayātha // (12.2) Par.?

saṃ saṃ sravantu nadyaḥ saṃ vātāḥ saṃ patatriṇaḥ / (13.1) Par.?

yajñam imaṃ vardhayatā giraḥ saṃsrāvyeṇa haviṣā juhomi // (13.2) Par.?

imaṃ homā yajñam avatemaṃ saṃsrāvaṇā uta / (14.1) Par.?

yajñam imaṃ vardhayatā giraḥ saṃsrāvyeṇa haviṣā juhomi // (14.2) Par.?

rūpaṃrūpaṃ vayovayaḥ saṃrabhyainaṃ pari ṣvaje / (15.1) Par.?

yajñam imaṃ catasraḥ pradiśo vardhayantu saṃsrāvyeṇa haviṣā juhomi // (15.2) Par.?