Texts

mā no hiṃsīj janitā yaḥ pṛthivyā yo divaṃ satyadharmā vyānaṭ / (1.1) Par.?

yaś cāpaś candrāḥ prathamo jajāna kasmai devāya haviṣā vidhema // (1.2) Par.?

abhyāvartasva pṛthivi yajñena payasā saha / (2.1) Par.?

vapāṃ te agnir iṣito arohat // (2.2) Par.?

agne yañ śukraṃ yac candraṃ yat pūtaṃ yac ca yajñiyam / (3.1) Par.?

tad devebhyo bharāmasi // (3.2) Par.?

iṣam ūrjam aham ita ādi ghṛtasya dhārāṃ mahiṣasya yonim / (4.1) Par.?

ā no goṣu viśatv oṣadhīṣu jahāmi sedim anirām amīvām // (4.2) Par.?

kāmaṃ kāmadughe dhukṣva prajābhyā oṣadhībhyaḥ / (5.1) Par.?

indrāyāgnaye pūṣṇe mitrāya varuṇāya ca // (5.2) Par.?

agne tava śravo vayo mahi bhrājanty arcayo vibhāvaso / (6.1) Par.?

bṛhadbhāno śavasā vājam ukthyaṃ dadhāsi dāśuṣe kave // (6.2) Par.?

pāvakavarcāḥ śukravarcā anūnavarcā udiyarṣi bhānunā / (7.1) Par.?

putro mātarā vicarann upāvasy obhe pṛṇāsi rodasī // (7.2) Par.?

irajyann agne prathayasva jantubhir asme rāyo amartya / (8.1) Par.?

sa darśatasya vapuṣo virājasi pṛṇakṣi sānasiṃ rayim // (8.2) Par.?

ūrjo napāj jātavedaḥ suśastibhir mandasva dhītibhir hitaḥ / (9.1) Par.?

tva eṣaḥ saṃdadhur bhūrivarpasaś citrotayo vāmajātāḥ // (9.2) Par.?

ṛtāvānaṃ mahiṣaṃ viśvadarśatam agniṃ sumnāya dadhire puro janāḥ / (10.1) Par.?

śrutkarṇaṃ saprathastamaṃ tvā girā daivaṃ mānuṣā yujā // (10.2) Par.?

iṣkartāram adhvarasya pracetasaṃ kṣayantaṃ rādhaso mahaḥ / (11.1) Par.?

rātiṃ vāmasya subhagāṃ mahīm iṣaṃ dadhāsi sānasiṃ kratum // (11.2) Par.?

āpyāyasva sametu te viśvataḥ soma vṛṣṇyam / (12.1) Par.?

bhavā vājasya saṃgathe // (12.2) Par.?

saṃ te payāṃsi sam u yantu vājāḥ saṃ vṛṣṇyāny abhimātiṣāhaḥ / (13.1) Par.?

āpyāyamāno amṛtāya soma divi śravāṃsy uttamāni dhiṣva // (13.2) Par.?