Texts

prajāpatir vai yajñaḥ // (1) Par.?

tasmint sarve kāmāḥ sarvam amṛtatvam // (2) Par.?

tasyaite goptāro yad dhiṣṇyāḥ // (3) Par.?

tānt sadaḥ prasrapsyan namasyati namo nama iti // (4) Par.?

na hi namaskāram ati devāḥ // (5) Par.?

te namasitā hotāram atisṛjante // (6) Par.?

sa etaṃ prajāpatiṃ yajñaṃ prapadyate // (7) Par.?

tad atraiva yajamānaḥ sarvān kāmān āpnoti sarvam amṛtatvam // (8) Par.?

atha haviṣpaṅktyā caranti // (9) Par.?

paśavo vai haviṣpaṅktiḥ // (10) Par.?

paśūnām evāptyai // (11) Par.?

tāni vai pañca havīṃṣi bhavanti dadhi dhānāḥ saktavaḥ puroḍāśaḥ payasyeti // (12) Par.?

pañcapadā paṅktiḥ // (13) Par.?

pāṅkto yajñaḥ // (14) Par.?

pāṅktāḥ paśavaḥ // (15) Par.?

pāṅktaḥ puruṣaḥ // (16) Par.?

yajñasya ca paśūnāṃ cāptyai // (17) Par.?

seyaṃ nirupyate paśūnām eva parigrahāya // (18) Par.?

atho savanānām eva tīvrīkārāya // (19) Par.?

atha vai haviṣpaṅktiḥ prāṇa eva // (20) Par.?

tasmād yenaiva maitrāvaruṇaḥ preṣyati tena hotā yajati // (21) Par.?

samāno hyayaṃ prāṇaḥ // (22) Par.?