Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): cāturmāsya, darśapūrṇamāsa iṣṭi, full-moon sacrifice
Show parallels Show headlines
Use dependency labeler
Chapter id: 13937
- Click on a sentence to show its analysis
- Keep the mouse pointer over a lemma to show its meanings.
trayodaśyām āgnāvaiṣṇavam ekādaśakapālaṃ nirvaped darśapūrṇamāsāv āripsamāno agnāviṣṇū iti // (1.1) Par.?
pūrvaṃ paurṇamāsam ārabhamāṇaḥ sarasvatyai ca caruṃ sarasvate dvādaśakapālaṃ sarasvati vrateṣu yasya vratam iti // (2.1) Par.?
ādhānād vṛddhiś ced arvāk saṃvatsarād rohiṇyām utsṛjyāgnihotraṃ punarvasvoḥ punar ādadhītoṃ bhūr bhuvaḥ svar janad om iti // (3.1) Par.?
oṣadhīṣu pakvāsv āgrayaṇeṣṭiḥ // (4.1) Par.?
idāvatsarāyeti purastāddhomasaṃsthitahomeṣv āvapeta // (5.1) Par.?
agna indrety āgnendram / (6.1) Par.?
aindrāgnaṃ cendrāgnī asmān iti // (6.2) Par.?
yad vidvāṃso dyāvāpṛthivī upaśrutyā somo vīrudhām iti vaiśvadevadyāvāpṛthivīyasaumyān // (7.1) Par.?
phālgunyāṃ paurṇamāsyāṃ cāturmāsyāni prayuñjīta // (8.1) Par.?
pūrvedyur vaiśvānarapārjanyeṣṭir vā agne vaiśvānara abhi kranda stanayeti // (9.1) Par.?
vaiśvadeve nirmathyaṃ prahṛtaṃ bhavataṃ naḥ samanasāv ity anumantrayate // (10.1) Par.?
agnāv agnir iti homam // (11.1) Par.?
evaṃ nirmanthanam // (12.1) Par.?
āgneyaṃ saumyaṃ sāvitraṃ sārasvataṃ pauṣṇaṃ mārutaṃ vaiśvadevaṃ dyāvāpṛthivīyam agnir vanaspatīnām somo vīrudhām savitā prasavānām sarasvati vrateṣu prapathe pathāṃ marutaḥ parvatānāṃ viśve devā mama dyāvāpṛthivī dātrāṇām iti // (13.1) Par.?
vājinasya arvācīnaṃ vasuvidam iti // (14.1) Par.?
tasya prāṇabhakṣān bhakṣayanti hotradhvaryubrahmāgnīdhrāḥ / (15.1) Par.?
pratyakṣaṃ yajamānaḥ / (15.2) Par.?
mithaḥ samupahūya // (15.3) Par.?
yan me retaḥ prasicyate yad vā me apagacchati yad vā jāyate punas tena mā śivam āviśa / (16.1) Par.?
tena mā vājinaṃ kṛṇu tena suprajasaṃ kṛṇu tasya te vājipītasyopahūto bhakṣayāmi // (16.2) Par.?
āṣāḍhyāṃ varuṇapraghāseṣv agnyoḥ praṇīyamānayor agne prehīti japann eti // (17.1) Par.?
dakṣiṇam agnim upaviśati // (18.1) Par.?
purastād ativrajyottare 'gnau hutvā dakṣiṇe juhoti // (19.1) Par.?
aticāraṃ pṛṣṭāṃ patnīm idam āpaḥ pravahateti mārjayanti // (20.1) Par.?
pauṣṇāntān pañca // (21.1) Par.?
aindrāgnaṃ vāruṇaṃ mārutaṃ kāyaṃ varuṇo 'pāṃ ya ātmadā iti // (22.1) Par.?
avabhṛthaḥ somāt // (23.1) Par.?
Duration=0.05325984954834 secs.