Texts

Select a text:
Bibliography

Select a chapter:
(no revisions)

Associated topic(s): sāman

Show parallels Show headlines
Use dependency labeler

Chapter id: 12674

atha viśvān devān abravīd yūyam anuvṛṇīdhvam iti // (1.1) Par.?

te 'bruvan vaiśvadevaṃ sāmno vṛṇīmahe prajananam iti / (2.1) Par.?

sa ya etad gāyāt prajāvān eva so 'sad asmān u devānām ṛchād ya evaṃ vidvāṃsam etad gāyantam upavadād iti // (2.2) Par.?

atha paśūn abravīd yūyam anuvṛṇīdhvam iti // (3.1) Par.?

te 'bruvan vāyur vā asmākam īśe / (4.1) Par.?

sa eva no variṣyata iti / (4.2) Par.?

te vāyuś ca paśavaś cābruvan niruktaṃ sāmno vṛṇīmahe paśavyam iti / (4.3) Par.?

sa ya etad gāyāt paśumān eva so 'sad asmān u ca sa vāyuṃ ca devānām ṛchād ya evaṃ vidvāṃsam etad gāyantam upavadād iti // (4.4) Par.?

atha prajāpatir abravīd aham anuvariṣya iti // (5.1) Par.?

so 'bravīd aniruktaṃ sāmno vṛṇe svargyam iti / (6.1) Par.?

sa ya etad gāyāt svargaloka eva so 'san mām u sa devānām ṛchād ya evaṃ vidvāṃsam etad gāyantam upavadād iti // (6.2) Par.?

atha varuṇam abravīt tvam anuvṛṇīṣveti // (7.1) Par.?

so 'bravīd yad vo na kaścanāvṛta tad aham parihariṣya iti / (8.1) Par.?

kim iti / (8.2) Par.?

apadhvāntaṃ sāmno vṛṇe 'paśavyam iti / (8.3) Par.?

sa ya etad gāyād apaśur eva so 'san mām u sa devānām ṛchād ya etad gāyād iti // (8.4) Par.?

tāni vā etāny aṣṭau gītāgītāni sāmnaḥ / (9.1) Par.?

imāny u ha vai sapta gītāni / (9.2) Par.?

atheyam eva vāruṇy āgāgītā // (9.3) Par.?

sa yāṃ ha kāṃ caivaṃ vidvān etāsāṃ saptānām āgānāṃ gāyati gītam evāsya bhavaty etān u kāmān rādhnoti ya etāsu kāmāḥ / (10.1) Par.?

athemām eva vāruṇīm āgāṃ na gāyet // (10.2) Par.?

Duration=0.048815011978149 secs.