Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 15730
  • Click on a sentence to show its analysis
  • Keep the mouse pointer over a lemma to show its meanings.
athāvāhane // (1) Par.?
āvaha devān yajamānāya // (2) Par.?
agnim agna āvaha vanaspatim āvahendraṃ vasumantam āvaheti tat prātaḥsavanam āvāhayati // (3) Par.?
indraṃ rudravantam āvaheti tan mādhyaṃdinaṃ savanam āvāhayati // (4) Par.?
indram ādityavantam ṛbhumantaṃ vibhumantaṃ vājavantaṃ bṛhaspativantaṃ viśvadevyāvantam āvaheti tat tṛtīyasavanam āvāhayati // (5) Par.?
ata u haike vanaspatim āvāhayanti // (6) Par.?
antata āvāhyaḥ // (7) Par.?
tṛtīyasavane hy enaṃ yajantīti vadantaḥ // (8) Par.?
tad u vā āhur ātmā vai paśuḥ // (9) Par.?
prāṇo vanaspatiḥ // (10) Par.?
yas taṃ tatra brūyāt prāṇād ātmānam antaragān na jīviṣyatīti tathā ha syāt // (11) Par.?
tasmāt paśum evopasaṃdhāya vanaspatir āvāhyaḥ // (12) Par.?
mīmāṃsitaḥ paśuḥ // (13) Par.?
Lindner xii. 8
prajāpatiḥ prajāḥ sṛṣṭvā riricāna ivāmanyata // (14) Par.?
sa haikṣata kathaṃ nu tena yajñakratunā yajeya yeneṣṭvā upa kāmān āpnuyām avānnādyaṃ rundhīyeti // (15) Par.?
sa tām ekādaśinīm apaśyat // (16) Par.?
tām āharat // (17) Par.?
tayāyajata // (18) Par.?
tayeṣṭvā upa kāmān āpnod avānnādyam arundhata // (19) Par.?
tatho evaitad yajamāna etayaivaikādaśinyeṣṭvopa kāmān āpnoty avānnādyaṃ runddhe // (20) Par.?
Duration=0.20930099487305 secs.