Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 17603
  • Click on a sentence to show its analysis
  • Keep the mouse pointer over a lemma to show its meanings.
tasmād abhinīyaivāhaḥ paśum ālabheta // (1) Par.?
ahna eva tad yajamāno 'vartiṃ pāpmānaṃ bhrātṛvyān apanudate // (2) Par.?
tenābhinīyaiva rātreḥ pracaret // (3) Par.?
rātriyā eva tad yajamāno 'vartiṃ pāpmānaṃ bhrātṛvyān apanudate // (4) Par.?
sa eṣa upavasathīye 'han dvidevatyaḥ paśur ālabhyate // (5) Par.?
dvayaṃ vā asmiṃl loke yajamānaḥ // (6) Par.?
asthi ca māṃsaṃ ca // (7) Par.?
asthi caiva tena māṃsaṃ ca yajamānaḥ saṃskurute // (8) Par.?
tā vā etāḥ pañca devatāḥ // (9) Par.?
agnīṣomāv agnir mitrāvaruṇau // (10) Par.?
pañcapañcī vai yajamānaḥ // (11) Par.?
tvaṅ māṃsaṃ snāvāsthi majjā // (12) Par.?
etam eva tat pañcadhā vihitam ātmānaṃ varuṇapāśān muñcati // (13) Par.?
bheṣajatāyai nirvaruṇatvāya // (14) Par.?
taṃ saptabhiś chandobhiḥ prātar ahvayan // (15) Par.?
tasmāt sapta caturuttarāṇi chandāṃsi prātaranuvāke 'nūcyante // (16) Par.?
tam etayopasametyopāsīdan // (17) Par.?
upāsmai gāyatā nara iti // (18) Par.?
tasmād etayā bahiṣpavamāna upasadyaḥ // (19) Par.?
Duration=0.064034938812256 secs.