Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma, somakraya, -vikraya, buying Soma

Show parallels Show headlines
Use dependency labeler

Chapter id: 17053

Click on a sentence to show its analysis
Keep the mouse pointer over a lemma to show its meanings.

deva sūrya somaṃ kreṣyāmas taṃ te prabrūma / (1.1) Par.?

ṛtūn kalpaya dakṣiṇāḥ kalpaya yathartu yathādevatam // (1.2) Par.?

atraike rājño nivapanaṃ samāmananti // (2) Par.?

śakaṭena rājño 'ntikaṃ yānty api panthām agasmahīti // (3) Par.?

uddhṛtapūrvaphalakaṃ bhavati // (4) Par.?

abhito rājānaṃ vimucya mukhena pratiṣṭhāpyābhimantrayate 'ṃśunā te aṃśuḥ pṛcyatām iti // (5) Par.?

uttareṇa rājānaṃ carmaṇi dviguṇaṃ kṣaumaṃ prācīnagrīvadaśam uttaradaśaṃ vāstīrya tasmin sahiraṇyena pāṇinā rājānaṃ mimīte 'bhi tyaṃ devaṃ savitāram iti // (6) Par.?

ekayaikayotsargaṃ mimīte // (7) Par.?

sarvāsv aṅguṣṭham upanigṛhṇāti // (8) Par.?

yayā prathamaṃ na tayā pañcamam / (9.1) Par.?

tayaivottamam // (9.2) Par.?

pañcakṛtvo yajuṣā mimīte pañcakṛtvas tūṣṇīm // (10) Par.?

prajābhyas tvety avaśiṣṭam upasamūhya vāsaso 'ntān samuccitya kṣaumeṇoṣṇīṣeṇopanahyati prāṇāya tveti / (11.1) Par.?

vyānāya tvety anuśṛnthati // (11.2) Par.?

visrasyāvekṣate prajās tvam anu prāṇihi prajās tvām anu prāṇantv iti // (12) Par.?

somavikrayiṇo rājānaṃ prattaṃ yajamāno 'bhimantrayata eṣa te gāyatro bhāga iti me somāya brūtād ity etair mantraiḥ // (13) Par.?

Caland, Henry ﾧ33

tata āha somavikrayin krayyaste somā3 iti // (14) Par.?

krayyā3 ity āha somavikrayī // (15) Par.?

taṃ krīṇāti somaṃ te krīṇāmy ūrjasvantaṃ payasvantaṃ vīryāvantam abhimātiṣāham / (16.1) Par.?

gavā te krīṇānīti // (16.2) Par.?

sā vyākhyātā // (17) Par.?

bhūya evātaḥ somo rājārhatīti somavikrayy āha // (18) Par.?

bhūya evātaḥ somo rājārhatīty adhvaryuḥ // (19) Par.?

Duration=0.060277938842773 secs.