Texts

yām anyo dīyamānāṃ na kāmayeta yaṃ dviṣyāt tasmai tāṃ dakṣiṇāṃ dadyād anyena dhanena saha // (1) Par.?

kuta etebhyo dadyāt / (2.1) Par.?

etasmād eva dvādaśācchatād ity ekam / (2.2) Par.?

anyata ity aparam // (2.3) Par.?

vi suvaḥ paśya vy antarikṣam iti sadaḥ prekṣeta // (3) Par.?

saṃnītā dakṣiṇā anumantrayate 'smaddātrā devatrā gacchatety anuvākaśeṣeṇa // (4) Par.?

āgnīdhre vaiśvakarmaṇāni juhoti yajñapatim ṛṣaya enasāhur iti pañca // (5) Par.?

cātvāle kṛṣṇaviṣāṇāṃ prāsyati / (6.1) Par.?

hariṇasya raghuṣyado 'dhi śīrṣaṇi bheṣajam / (6.2) Par.?

sukṣetriyaṃ viṣāṇayā viṣūcīnam anīnaśat / (6.3) Par.?

anu tvā hariṇo mṛgaḥ padbhiś caturbhir akramīt / (6.4) Par.?

viṣāṇe viṣyaitaṃ granthiṃ yad asya gulphidaṃ hṛdi mano yad asya gulphidam / (6.5) Par.?

ity etābhyām // (6.6) Par.?

tataḥ saṃpreṣyatīndrāya marutvate 'nubrūhīti // (7) Par.?

yadā marutvate 'nūktaṃ bhavaty atha na dīyata ānūbandhyāvapāyā homāt // (8) Par.?

pūrvagṛhītam adhvaryur ādatta uttaraṃ pratiprasthātā // (9) Par.?

atyākramyāśrāvyāhendrāya marutvate preṣyeti // (10) Par.?

vaṣaṭkṛte juhutaḥ // (11) Par.?

sānuvaṣaṭkārāv eke marutvatīyau samāmananti / (12.1) Par.?

ananuvaṣaṭkārāv eke / (12.2) Par.?

uttaraṃ sānuvaṣaṭkāram eke // (12.3) Par.?

vyavanayete yathartugraheṣu // (13) Par.?

pratiprasthānena bhakṣayanti // (14) Par.?

atraiva pātraṃ nidhāyādhvaryuḥ svena pātreṇa saṃsrāveṇottamaṃ marutvatīyaṃ gṛhṇāti marutvāṁ indra vṛṣabho raṇāyeti // (15) Par.?

śastram atra bhavati // (16) Par.?

ṛtupātram ārabhya pratigṛṇāti // (17) Par.?

śastraṃ pratigīryādatte graham adhvaryuḥ / (18.1) Par.?

ādadate nārāśaṃsān // (18.2) Par.?

atyākramyāśrāvyāhokthaśā yaja somasyeti // (19) Par.?

vaṣaṭkṛte juhoti // (20) Par.?

vyākhyātam anuprakampanam // (21) Par.?

vyākhyāto grahasya bhakṣamantraḥ // (22) Par.?

vyākhyāto nārāśaṃsānām // (23) Par.?

asarvān bhakṣayitvāpyāyayanti // (24) Par.?

vyākhyātam āpyāyanaṃ sādanam // (25) Par.?