Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17167
  • Click on a sentence to show its analysis
  • Keep the mouse pointer over a lemma to show its meanings.
tṛtīyasavanaṃ vyākhyāsyāmaḥ // (1) Par.?
yadā bahavo 'ntarvedi syur athādityaṃ gṛhṇīyāt // (2) Par.?
yasya bhrātṛvyaḥ somena yajeta yāvad ādityaṃ gṛhṇīyāt tāvad bahirvedi tiṣṭhet // (3) Par.?
yasya prasṛpto bhrātṛvyaḥ syād antarvedi saty ādityaṃ gṛhṇīyāt // (4) Par.?
havirdhānayor dvāre apidhāyādityasthālyā ādityapātre tṛtīyaṃ gṛhṇāti kadā cana starīr asīty etābhis tisṛbhiḥ // (5) Par.?
somam agre gṛhṇāty atha śṛtātaṅkyaṃ dadhy atha somam / (6.1) Par.?
triṣṭubhā madhyato dadhi gṛhṇātīti vijñāyate // (6.2) Par.?
yā divyā vṛṣṭis tayā tvā śrīṇāmīti dadhnopariṣṭād vṛṣṭikāmasya śrīṇīyāt / (7.1) Par.?
na madhyato dadhi gṛhṇīyāt // (7.2) Par.?
sūdavadādityasthālīm āyatane sādayitvopāṃśusavanaṃ grahe 'vadadhāti vivasva ādityaiṣa te somapītha iti // (8) Par.?
tam udyamya vijñānam upaiti / (9.1) Par.?
yadi tājag binduḥ praskanded varṣukaḥ parjanyaḥ syāt / (9.2) Par.?
yadi ciram avarṣukaḥ // (9.3) Par.?
na sādayitvā graham ādāyādhvaryus tiṣṭhati sūryo mā devo devebhyaḥ pātv iti // (10) Par.?
tataḥ saṃpreṣyaty ādityebhyaḥ priyebhyaḥ priyadhāmabhyaḥ priyavratebhyo mahasvasarasya patibhya uror antarikṣasyādhyakṣebhyo 'nubrūhīti // (11) Par.?
Duration=0.060066938400269 secs.