Texts

svargaṃ vā etena lokaṃ prayanti yat prāyaṇīyam // (1) Par.?

tat prāyaṇīyasya prāyaṇīyatvam // (2) Par.?

chidyate vā eṣo 'smāl lokād yo 'muṃ lokaṃ gacchati // (3) Par.?

yad ādityam udayanīyaṃ bhavati // (4) Par.?

asminn eva loke pratitiṣṭhati // (5) Par.?

devā vā asurān hatvā vairadeyād īṣamāṇās te diśo 'mohayan nen na idam anyo 'nu prajānād iti // (6) Par.?

tad āhuḥ sādhyā vai nāma devā āsan pūrve devebhyaḥ // (7) Par.?

te diśo mohayitvā svargaṃ lokam āyan // (8) Par.?

nen na imaṃ lokam anyo 'nu prajānād iti // (9) Par.?

tā ime 'vare devā anu prājijñāsanta // (10) Par.?

tā na prājānan // (11) Par.?

sāditir abravīd vāryaṃ vṛṇai // (12) Par.?

ahaṃ va imā diśaḥ pravakṣyāmi // (13) Par.?

matprāyaṇa eva yajño 'san madudayana iti // (14) Par.?

tasmād ādityaṃ prāyaṇīyam bhavati // (15) Par.?

ādityam udayanīyam // (16) Par.?

vāryavṛtaṃ hy asyāḥ // (17) Par.?

pathyāṃ svastiṃ yajateti abravīt // (18) Par.?

tayā prācīṃ diśaṃ prajñāsyatheti // (19) Par.?

agniṃ yajatety abravīt // (20) Par.?

tena dakṣiṇām // (21) Par.?

somaṃ yajatety abravīt // (22) Par.?

tena pratīcīm // (23) Par.?

savitāraṃ yajatety abravīt // (24) Par.?

tenodīcīm // (25) Par.?

aham evemā ubhau lokau vedety abravīt // (26) Par.?

iyam aditiḥ // (27) Par.?

tasyā iyam ūrdhvā dik // (28) Par.?

ūrdhvā eva tena svargaṃ lokam āyan // (29) Par.?

tā etā evaṃ devatā ijyante diśāṃ kﾱptyai svargasya lokasya prajñātyai // (30) Par.?

pathyayā vai svastyā devāḥ prācīṃ diśaṃ prājānan // (31) Par.?

agnīṣomā anusamapaśyatām // (32) Par.?

savitā prāsuvat // (33) Par.?

iyam aditiḥ // (34) Par.?

asyām adhi yajñaṃ prāñcam atanvata // (35) Par.?

yajñamukhaṃ vā etat saṃbhriyate yat prāyaṇīyam // (36) Par.?

vāk pathyā svastiḥ // (37) Par.?

yat pathyāṃ svastiṃ yajati vācam eva tat saṃbharayati // (38) Par.?

prāṇāpānā evāgnīṣomābhyāṃ saṃbharati prasavāyaiva // (39) Par.?

saviteyam aditiḥ // (40) Par.?

asyām adhi yajñamukhaṃ saṃbharayati // (41) Par.?

kﾱptyai vā etan nirupyate yat prāyaṇīyam // (42) Par.?

maruto devaviśā // (43) Par.?

devaviśāṃ vai kalpamānāṃ manuṣyaviśānukalpate // (44) Par.?

yan marutvadyājyāyāḥ padaṃ bhavati svasti rāye maruto dadhātaneti // (45) Par.?

devaviśām eva kalpayati // (46) Par.?

tāṃ kalpamānāṃ manuṣyaviśānukalpate // (47) Par.?

pathyāṃ svastiṃ yajati // (48) Par.?

tasmād asā ādityo 'cchinnaṃ pura udeti // (49) Par.?

paścān nimrocati // (50) Par.?

pathyāṃ hy eṣa svastim anusaṃcarati // (51) Par.?

agniṃ yajati // (52) Par.?

tasmād dakṣiṇato 'gra oṣadhayaḥ pacyamānā āyanti // (53) Par.?

āgneyā hy oṣadhayaḥ // (54) Par.?

somaṃ yajati // (55) Par.?

tasmād āpaḥ pratīcīr bhūyiṣṭhā dhāvanti // (56) Par.?

saumīr hy āpaḥ // (57) Par.?

savitāraṃ yajati // (58) Par.?

tasmād ayam uttarād bhūyiṣṭhaṃ pavate // (59) Par.?

savitṛprasūto hy eṣa pavate // (60) Par.?

aditiṃ yajati // (61) Par.?

tasmād iyam upariṣṭāt prajābhyo varṣati // (62) Par.?

pañcaitā devatā yajati // (63) Par.?

pāṅkto yajñaḥ // (64) Par.?

yajñam evāvarunddhe // (65) Par.?

agnaye ṣaṣṭham avadyati // (66) Par.?

ṣaḍ ṛtavaḥ // (67) Par.?

ṛtuṣv eva pratitiṣṭhati // (68) Par.?

daśa yājyānuvākyā bhavanti // (69) Par.?

daśākṣarā virāṭ // (70) Par.?

annaṃ virāṭ // (71) Par.?

virājy evānnādye pratitiṣṭhati // (72) Par.?

sviṣṭakṛte dvādaśī bhavataḥ // (73) Par.?

dvādaśa māsās saṃvatsaraḥ saṃvatsarasyāptyai // (74) Par.?

saptadaśa sāmidhenyo bhavanti // (75) Par.?

saptadaśo vai saṃvatsaraḥ // (76) Par.?

pañcartavo dvādaśa māsā eṣa vāva sa saṃvatsaraḥ // (77) Par.?

saṃvatsarād evādhi yajñamukhaṃ pratanute // (78) Par.?