Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): agnyādhāna, agnyādheya
Show parallels Show headlines
Use dependency labeler
Chapter id: 16733
- Click on a sentence to show its analysis
- Keep the mouse pointer over a lemma to show its meanings.
athāgnyādheyaṃ vyākhyāsyāmaḥ // (1) Par.?
brāhmaṇo vasante rājanyo grīṣme vaiśyaḥ śaradi rathakāro varṣāsu // (2) Par.?
sarve śiśira ity eke // (3) Par.?
rohiṇīkṛttikāmṛgaśiraḥpunarvasūttarānūrādhāśravaṇahastaviśākhāsv ekasmin nakṣatre 'māvāsyāyāṃ paurṇamāsyāṃ vādadhīta // (4) Par.?
kṛttikāsv agnim ādadhīteti brāhmaṇoktāni kāmyāni nakṣatrāṇi yathākāmam // (5) Par.?
yatraitāni trīṇi sambhavanty ṛtur nakṣatraṃ parva tad bhadram // (6) Par.?
vipratiṣedhe tu nakṣatram ṛtuś ca balīyaḥ // (7) Par.?
somena yakṣyamāṇa ādadhīta nartuṃ na nakṣatraṃ sūrkṣet // (8) Par.?
yathopapādaṃ śamīgarbham aśvattham // (9) Par.?
yady aśamīgarbhaṃ śuklāṅkuram aśanivāyvanupahatam agnyadagdhaṃ bahupakṣyanāvāsam aśuṣkam aśīrṇam antyajātyanupahataṃ gatvā vaiśvānarasūktena pradakṣiṇaṃ kṛtvā praṇameta // (10) Par.?
tenaiva prācīm udīcīṃ vā śākhāṃ prāgādi pradakṣiṇaṃ chedayitvā prāgagram udagagraṃ vā nipātayet // (11) Par.?
patitottaram adharaṃ mūlam agraṃ ca yathā jñeyaṃ tathāṅkayitvā śākhāpatrāṇi prahāpayati // (12) Par.?
tāṃ dvidhā chedayitvādhobhāgenādharām araṇiṃ tvakpārśvordhvabhāgāṃ vigatatvacaṃ viśoṣitāṃ caturviṃśatyaṅgulāyatām aṣṭāṅgulivistārāṃ caturaṅgulonnatāṃ tathottarabhāgenottarām araṇiṃ ca gāyatryā karoti // (13) Par.?
tatra prathamāni yāni catvāry aṅgulāni śiraś cakṣuḥ śrotram āsyaṃ ca // (14) Par.?
dvitīyāni yāni grīvā vakṣo hṛdayaṃ stanaḥ // (15) Par.?
tṛtīyāny udaraprabhṛtīni // (16) Par.?
caturthāni śroṇī // (17) Par.?
pañcamāny ūrū // (18) Par.?
ṣaṣṭhāni jaṅghe // (19) Par.?
pādāv ity eke // (20) Par.?
evam araṇī sarvair aṅgaiḥ sampūrṇe bhavataḥ // (21) Par.?
yac chīrṣṇi manthati śīrṣaktimān yajamāno bhavati // (22) Par.?
yad grīvāyāṃ vepano 'yaṃ nirmanthet // (23) Par.?
yad udare 'nārabdho 'sya yajño bhavati // (24) Par.?
ūrū rakṣasāṃ yonir jaṅghe pādau piśācānāṃ śroṇī devānāṃ yoniḥ // (25) Par.?
tasmāc chroṇyām eva prathamaṃ manthet // (26) Par.?
mūlād aṣṭāṅgulaṃ parityajyāgrāc ca dvādaśāṅgulaṃ pārśvatas trīṇi trīṇy aṅgulāni prathamamanthane // (27) Par.?
evaṃ prajananaṃ kurvīta // (28) Par.?
uttarāraṇer aṣṭāṅgulayuktināhaṃ yathāyogapariṇāhaṃ pramanthaṃ chittvā manthamūle saṃdhatte // (29) Par.?
tena sahitaḥ ṣaḍviṃśatyaṅgulāyato mantho bhavati // (30) Par.?
tathā chidram iti // (31) Par.?
uttānā prākśirā araṇis tathā vediḥ // (32) Par.?
Duration=0.23572587966919 secs.