Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16963
  • Click on a sentence to show its analysis
  • Keep the mouse pointer over a lemma to show its meanings.
apareṇāhavanīyaṃ vratam abhyāhṛtya vratapradāne niḥṣicya vratya vrataya vratam upehīti dīkṣitāya prayacchati // (1) Par.?
daivīṃ dhiyaṃ manāmaha ity apa ācamya ye devā manojātā manoyuja iti svāyatane pūrvato vratayati // (2) Par.?
nādīkṣitā dīkṣitaṃ vratayantaṃ paśyanti // (3) Par.?
śivāḥ pītā bhavatheti vratayitvāpa ācāmati // (4) Par.?
evaṃ purā nakṣatrāṇām astamayād vācaṃ yamayati vrataṃ dohayaty astamiteṣu nakṣatreṣu vācaṃ visṛjate // (5) Par.?
madhyāhne vratayati // (6) Par.?
api vā purodayād ādityasya vācaṃ yamayati vrataṃ dohayaty udita āditye vācaṃ visṛjate // (7) Par.?
aparāhṇe vā vratayati // (8) Par.?
yāgnihotrasya skannasya prāyaścittiḥ sā vratasya // (9) Par.?
yavāgū rājanyasya vratam āmikṣā vaiśyasya payo brāhmaṇasya // (10) Par.?
dīkṣāsv etāni sarveṣām upasatsu stanavibhāgaḥ // (11) Par.?
yadi payo na syād rājanyavratena vratayet // (12) Par.?
yadi manyetopadasyāmīty odanaṃ dhānāḥ saktūn ghṛtam ity anuvratayed ity āha // (13) Par.?
nāvrato bhavaty agnihotrasyāvicchittyai // (14) Par.?
patnyāś ca vāgyatāyāḥ pratiprasthātā dakṣiṇena dvāreṇa nirgatya vrataṃ dohayitvā vrataśrapaṇāgāre śrapayitvā surakṣitaṃ nidadhāti // (15) Par.?
atha patnyai svāyatane prayacchati // (16) Par.?
sāpy atraiva vrataṃ tūṣṇīṃ vratayati // (17) Par.?
yad ahar dīkṣayati tasya rātriṃ jāgarti // (18) Par.?
dīkṣitasya yūpaṃ chinatti krīte vā rājani // (19) Par.?
tad vyākhyātam // (20) Par.?
samāno yūpa āhavanīyaḥ svarur agnīṣomīyasavanīyayor anūbandhyāyāś ca // (21) Par.?
Duration=0.062154054641724 secs.