Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, pravargya

Show parallels  Show headlines
Use dependency labeler
Chapter id: 17009
  • Click on a sentence to show its analysis
  • Keep the mouse pointer over a lemma to show its meanings.
athādhvaryur deva puraścara saghyāsaṃ tveti pracaraṇīyaṃ mahāvīraṃ saṃdaṃśābhyāṃ parigṛhya savye pāṇau kṛtvā tam upariṣṭāt sāgreṇa parimārṣṭi // (1) Par.?
ājyasthālyāḥ sruveṇa sakṛd upahatenājyena gārhapatye 'navānaṃ saṃtataṃ prāṇāya svāheti sapta prāṇāhutīr juhoty ekādaśa vā // (2) Par.?
athainaṃ mahāvīraṃ devas tvā savitā madhvānaktv ity uttamasya śeṣeṇājyena sruveṇānakti // (3) Par.?
pṛthivīṃ tapasas trāyasvety etasmin kāle pratiprasthātā rājataṃ śatamānaṃ pravṛñjanīye khara upagūhati // (4) Par.?
muñjapralavān ādāyārcir asīti dakṣiṇeṣām agrāṇi gārhapatya ādīpayati śocir asīti teṣām agrair uttareṣāṃ mūlāni jyotir asīti teṣāṃ mūlair dakṣiṇeṣāṃ mūlāni tapo 'sīti teṣāṃ mūlair uttareṣām agrāṇi // (5) Par.?
tān vyatiṣaktān upari śatamāne nidhāya teṣu saṃsīdasveti mahāvīraṃ sādayati // (6) Par.?
añjanti yam ity enam ājyenābhipūrayati // (7) Par.?
anādhṛṣyā purastād ity etair yathāliṅgaṃ mahāvīram asaṃspṛśan yajamānaḥ prādeśena diśo vyavasthāpayati // (8) Par.?
manor aśvāsi bhūriputrety uttarataḥ pṛthivīm abhimṛśati // (9) Par.?
siddhyai tveti dhṛṣṭī ādāyādhvaryuḥ pratiprasthātā ca tapo ṣv agna iti gārhapatyād udīco 'ṅgārān nirūhya citaḥ stha paricita ity enaṃ pradakṣiṇaṃ nyupya trayodaśa paridhīn paridhattaḥ // (10) Par.?
Duration=0.13949418067932 secs.