Texts

sarvatrānādeśe parisāmāni prastotā gāyet svādhyāyavat svāsu // (1) Par.?

tṛcāpattīni tṛceṣu triritarāṇi // (2) Par.?

śārṅgārūḍhavad āṅgirase vā trir abhyasyed antarā parācā // (3) Par.?

tathā ca hotā // (4) Par.?

liṅgopapattiś caivam // (5) Par.?

antareṇa cātvālotkarau saṃcaraḥ sarvatrānādeśe // (6) Par.?

tadāpnānaṃ tīrtham // (7) Par.?

agnau cīyamāne paścimena pucchaṃ gatvā dakṣiṇe 'pikakṣe tiṣṭhed yatra vopadadhyuḥ // (8) Par.?

paścimena pakṣāv apikakṣau // (9) Par.?

pūrveṇopaplavau // (10) Par.?

puṣkarapalāśa upadhīyamāne hiraṇmaye puruṣe svayamātṛṇṇāsu ca śarkarāsu vyāhṛtisāmāni gāyed yajamānaṃ satyaṃ puruṣo bhūr bhuvaḥ svar ity etāsu pṛthak // (11) Par.?

teṣāṃ sthāne svayaṃ cinvāna ṛtanidhanam ājyadohaṃ puruṣavratam ekānugānaṃ rathantaraṃ vāmadevyaṃ bṛhad iti // (12) Par.?

rathantaraprabhṛtīni vikalpante lokasāmabhir āvṛttaiḥ // (13) Par.?

saṃcitam agniṃ dakṣiṇena gatvā agna āyūṃṣīti pratyaṅmukhas tiṣṭhañchirasi gāyatraṃ gāyen niruktam // (14) Par.?

pratyāvrajya rathantaraṃ dakṣiṇe pakṣa udaṅmukhaḥ paścād vā prāṅmukhaḥ // (15) Par.?

paścimena pucchaṃ gatvā bṛhaduttare pakṣe dakṣiṇāmukhaḥ paścād vā prāṅmukhaḥ // (16) Par.?

pratyāvrajya yajñāyajñīyaṃ pucche saṃvatsaraś ced daikṣaḥ sautyo vā // (17) Par.?

ṛtuṣṭhāyajñāyajñīyam anyatra // (18) Par.?

vāmadevyaṃ dakṣiṇe 'pikakṣe // (19) Par.?

prajāpatihṛdayam uttare // (20) Par.?

etāni gautama uttareṇāgniṃ gatvā // (21) Par.?

etānyeva pradakṣiṇaṃ pratyantād dhānañjayyaḥ // (22) Par.?

yajñāyajñīyaṃ pucche // (23) Par.?

prajāpatihṛdayasthāne ca vāmadevyam // (24.1) Par.?

dakṣiṇenāgniṃ gatvā gautamīye vyatyayaṃ ye pakṣayoḥ śāṇḍilyaḥ // (25) Par.?

śirasi ca gītvottare pakṣe // (26) Par.?

yathāgītam itarāṇi // (27) Par.?

uttare copaplave svaṃ hṛdayadeśam ālabhya prajāpater hṛdayam // (28) Par.?

adhvaryupathe śyaitam // (29) Par.?