Texts

āgrayaṇaṃ gṛhṇann adhvaryur hiṃkaroti tadā pravṛṇīrann agniḥ prastotāhaṃ mānuṣo bṛhaspatir udgātāhaṃ mānuṣo vāyuḥ pratihartāhaṃ mānuṣaḥ iti yathāliṅgam // (1) Par.?

na pravṛṇīrann iti dhānaṃjayyaḥ // (2) Par.?

pravṛṇīrann eveti śāṇḍilyaḥ // (3) Par.?

atra vācaṃ yaccheyuḥ // (4) Par.?

ṛtasadane vā // (5) Par.?

vediṃ vākrāmantaḥ // (6) Par.?

stute bahiṣpavamāne visṛjeran // (7) Par.?

uttarāddhavirdhānād dhruvasthālīṃ harantaḥ paścimenodgātṝn hṛtvā tenaiva pratihareyuḥ // (8) Par.?

nainān agreṇa hareyuḥ // (9) Par.?

api hy adhvaryavo 'py akuśalā bhavantīti // (10) Par.?

abhipīḍya pavitram adhvaryur niḥsarpantaṃ prastotā saṃtanuyāt // (11) Par.?

tam udgātodgātāraṃ pratihartā taṃ brahmā brahmāṇaṃ yajamānaḥ // (12) Par.?

pañcartvijaḥ saṃrabdhāḥ sarpantīty etān āha // (13) Par.?

doṣavacanād vyavacchedāj jugupseran // (14) Par.?

na rājānam ālabhyānuspṛśyāpa ājyam ālabheraṃs tathājyaṃ rājānaṃ sarvatra // (15) Par.?

vajro vā eṣa somasya yad ājyam iti tayor asamavāyam āha // (16) Par.?

adhvaryuṇā hute pravṛtahomau juhuyur gatyānupūrvyeṇa bekurā nāmāsi sūryo meti // (17) Par.?

saṃsutasome tv adhikām udgātā juhuyāt saṃveśāyopaveśāyeti yathāsavanaṃ chandāṃsy ādiśan // (18) Par.?

ṛcaṃ sāmeti svāhākārāntayā tṛtīyāṃ sarvatra // (19) Par.?

sa eveti śāṇḍilyaḥ // (20) Par.?

mahāgirimahānadīrathāharvāyuvyavāyeṣv asaṃsavaḥ // (21) Par.?

pṛthagjanapade ca // (22) Par.?

avidviṣāṇamātrād ity eke // (23) Par.?

hutvā japeyur brahmāhaṃ gāyatrīṃ vācaṃ prāṇaṃ prajāpatiṃ prapadye 'śmānam ākhaṇaṃ paryūha iti // (24) Par.?

adhvaryum anvāvarteran sarpantaḥ // (25) Par.?

savyaiḥ pāṇibhiḥ pṛthag dakṣiṇā tṛṇāni nirasyeyur yo 'dya saumya iti // (26) Par.?

cātvāladeśaṃ prāpyādhvaryāv upaviṣṭe tasmāt pratyag upaviśeyur yo ma ātmeti // (27) Par.?

pratyaṅmukhaḥ prastotodaṅmukha udgātā paścimenodgātāraṃ gatvā dakṣiṇapūrvam aṣṭamadeśam īkṣamāṇaḥ pratihartā // (28) Par.?

savyādharān upasthān kṛtvā dyāvāpṛthivyoḥ sandhim īkṣamāṇāḥ samāni mukhāni dhārayantaḥ // (29) Par.?

evaṃ sarvastotreṣv āsīran // (30) Par.?