Texts

ādityānām iti rathaśira ālabhya japet // (1) Par.?

yad rathyaṃ syād vāyor iti carmaṇyaṃ pratigṛhṇīyān nakṣatrāṇām ity asthimayaṃ sūryasyety ayolohe hiraṇyaṃ ca // (2) Par.?

dakṣiṇena rathaṃ gatvā rathantaram asīti dakṣiṇaṃ cakram ālabhet // (3) Par.?

vāmadevyam asīty adhiṣṭhānam // (4) Par.?

bṛhad asīty uttaraṃ cakram // (5) Par.?

aṅkānyaṅkū iti cakre eva saṃmṛjyāt // (6) Par.?

vaiśvānara iti dakṣiṇena pādenārohet // (7) Par.?

tad api veditam avapannaṃ dakṣiṇaṃ cakraṃ nirvartya kham anvīkṣayet pūrvasyāntena te tvāgnaya iti // (8) Par.?

te metītaro brūyāt // (9) Par.?

āruhya japed gidaiṣa ta iti // (10) Par.?

tad api veditaṃ śamarathaṃ śākhāstambham ālabhyāntarā cakravartmanī etenaivānvīkṣeta // (11) Par.?

kṛśeti savyān abhīśūn āyacchet // (12) Par.?

dāseti dakṣiṇān avagṛhṇīyāt // (13) Par.?

avaruhya sakṛd vāruṇam uktvā yathādaivatam ādiśyopariṣṭājjapaṃ japed iti gautamaḥ // (14) Par.?

saṃmārjanaprabhṛty etat sarvaṃ kṛtvā vimucya nānā purastājjapopariṣṭājjapau vāruṇam aśvebhyo rathāya ceti dhānaṃjayyaḥ // (15) Par.?

glāyec ced yathāsanaṃ vaitat sarvaṃ japet // (16) Par.?

pṛṣṭhyaṃ ced dadyāt prāg vāruṇād aśvanāmāni japet // (17) Par.?

purastājjapād vā // (18) Par.?

tathā dānteṣu // (19) Par.?

yad rathyaṃ syāt tena tat pratigṛhṇīyāt // (20) Par.?

annasyeti prāg vāruṇād aveḥ // (21) Par.?

purastājjapād vā // (22) Par.?

gnās tvākṛntann iti vasanasya // (23) Par.?

tad udasyed atāntave // (24) Par.?

hiraṇyam alpīyo 'bhogād āgacched audumbaryām āśleṣayet // (25) Par.?

āgnīdhrīye vā juhuyāt // (26) Par.?

samastān vrīhiyavān ekakratau pratigṛhṇīyāt // (27) Par.?

tathā tilamāṣān // (28) Par.?

prājāpatyenānādiṣṭadevatāḥ pratigṛhṇīyāt // (29) Par.?

tūṣṇīm ayajñe dakṣiṇā iti dhānaṃjayyaḥ // (30) Par.?

bhūr bhuvaḥ svar iti gautamaḥ // (31) Par.?

om iti vom iti vā // (32) Par.?