Texts

yad anyad agniṣṭomasāma syāt tasya syuḥ // (1) Par.?

ahiṃkāre 'pi pratihāravelāyāṃ patnīm udgātāvekṣeta // (2) Par.?

anu brāhmaṇam ārcikān saṃnāmān sarvatra kuryur apy anyasmin sāmni // (3) Par.?

tṛtīyasavane sarveṣu stotreṣu samāpteṣu bhakṣayitvā stomaṃ vimuñceyur ṛtasya tveti // (4) Par.?

dakṣiṇaiḥ pāṇibhiḥ kuśāḥ saṃlobhayeyuḥ // (5) Par.?

prati yojanam eke yajamānavacanād anantaram // (6) Par.?

atra vā // (7) Par.?

yajamānaṃ vācayet tantave mā jyotiṣeti // (8) Par.?

asāv anu mā tanuhi jyotiṣeti yathājyeṣṭhaṃ putrān // (9) Par.?

janiṣyamāṇā ity ajāteṣu // (10) Par.?

jāteṣv ajāteṣu ca putrā ity eva satreṣu // (11) Par.?

vaṣaṭkṛte hāriyojanasya yathetam aparayā dvārā niṣkrāmanto japeyuḥ somehīti // (12) Par.?

subhūr asīty ādityam upatiṣṭheran // (13) Par.?

astamitaś ced gārhapatyaṃ candramasaṃ nakṣatrāṇi vā // (14) Par.?

āgnīdhrīye dve āhutī juhuyur apāṃ puṣpam asīti pūrvāṃ svāhākāreṇottarām // (15) Par.?

hāriyojanyo nāma dhānā droṇakalaśe bhavanti tāsām udgātā prathama ādadānaḥ samupahūtā bhakṣayiṣyāma iti brūyāt // (16) Par.?

tathetarau // (17) Par.?

unnetary upahavam iṣṭvā hāriyojanasya ta iti tirohnyasyety atirātre sarvatra vā yathādhītaṃ dvir upaghrāya paścād āhavanīyasyāntaḥparidhi nivapeyuḥ // (18) Par.?

anuprahṛteṣu bhasmānte // (19) Par.?

apa upaspṛśyāṣṭāv aṣṭau śakalāny āhavanīye 'nuprahareyur devakṛtasyety etatprabhṛtibhir ikārāntaiḥ // (20) Par.?

sakṛd eva sarvāṇy uttameneti śaucivṛkṣiḥ // (21) Par.?

apsuṣomā nāma camasāś cātvāladeśe 'dbhiḥ pūrṇāḥ // (22) Par.?

teṣu haritāni tṛṇāni prāstāni bhavanti // (23) Par.?

te svaṃ savaṃ camasaṃ paryupaviśyāpsu dhautasyety avamṛśya japeyuḥ // (24) Par.?

madhumantam iti pāṇīn upajighreran // (25) Par.?

śam adbhyaḥ ity udañcaṃ camasaṃ ninayeyuḥ // (26) Par.?

kāmety abhyātmam āvartayeyuḥ // (27) Par.?

ūrg ity uraḥsu pāṇīn nidadhīran // (28) Par.?

prāṇa someti mukhyān prāṇān abhimṛśeran // (29) Par.?

āgnīdhrīyaṃ gatvā dadhibhakṣaṃ bhakṣayeyur asamupahūya dadhikrāvṇaḥ iti // (30) Par.?