Texts

raśmir asītyetāvanuvākau stomabhāgāḥ // (1) Par.?

taiḥ pṛthag anupūrvaṃ stotrāṇyanumantrayeta brahmantstoṣyāmaḥ praśāstarityukte // (2) Par.?

ūrdhvaṃ prathamād rātriparyāyād yatra syād amuṣmai tveti taṃ jinveti tatra brūyāt // (3) Par.?

savitṛprasūtā bṛhaspataye stutetyekaikasyāntaḥ // (4) Par.?

pūrveṣāṃ ca // (5) Par.?

bhūr bhuvaḥ svar bṛhaspatir brahmāhaṃ mānuṣa om ity etad vādhikaṃ kuryād oṃkāraṃ vā // (6) Par.?

yathāmnāyaṃ saṃdher anumantrayeta // (7) Par.?

traidhaṃ vibhajed iti dhānaṃjayyo vasuko'si vasyaṣṭirasi veṣaśrīrasi / (8.1) Par.?

vasukāya tvā vasyaṣṭaye tvā veṣaśriye tvā / (8.2) Par.?

vasukaṃ jinva vasyaṣṭiṃ jinva veṣaśriyaṃ jinva / (8.3) Par.?

savitṛprasūtā bṛhaspataye stuteti // (8.4) Par.?

stuta devena savitrā prasūtā ity anumantrayeta mānasaṃ vājapeye ca bṛhat // (9) Par.?

ānantaryeṇetarāṇi // (10) Par.?

īdhrāt stotrāṇi pūrveṇa tadvivṛddheḥ // (11) Par.?

pareṇa vā tannikāmanāt // (12) Par.?

mānasavad vātiriktasāmānyāt // (13) Par.?

sarvānumantraṇena vānuktatvāt // (14) Par.?

yad yat stotraṃ lupyeta sahaiva stomabhāgena // (15) Par.?

stute bahiṣpavamāne vapāyāṃ hutāyāṃ mārjayitvā dhiṣṇyān upasthāyoktaṃ sadasyupaveśanam // (16) Par.?

stutaśastrayor vācaṃ yacchet // (17) Par.?

anūcyamāne ca sarvatra // (18) Par.?

vaṣaṭkṛte visṛjeta // (19) Par.?

avabhṛthād udetyānuṣyād yajñaśeṣam // (20) Par.?

ahargaṇeṣvenaṃ sadātipraiṣeṇa praśāstā vācaṃ yamayati rājānaṃ rakṣeti cāha tadubhayaṃ kuryād ā vasatīvarīṇāṃ pariharaṇāt // (21) Par.?

tat satre paryāyeṇa kuryur ahīne tu brahmaiva // (22) Par.?