Texts

Help

Select a text:
Bibliography
Select a chapter:
 (no revisions)
Associated topic(s): Giving, dāna, dāna, giving

Show parallels  Show headlines
Use dependency labeler
Chapter id: 15362
  • Click on a sentence to show its analysis
  • Keep the mouse pointer over a lemma to show its meanings.
dānena sarvān kāmān avāpnoti // (1.1) Par.?
cirajīvitvaṃ brahmacārī rūpavān // (2.1) Par.?
ahiṃsy upapadyate svargam // (3.1) Par.?
agnipraveśād brahmalokaḥ // (4.1) Par.?
maunāt saubhāgyam // (5.1) Par.?
nāgādhipatir udakavāsāt // (6.1) Par.?
nirujaḥ kṣīṇakoṣaḥ // (7.1) Par.?
toyadaḥ sarvakāmasamṛddhaḥ // (8.1) Par.?
annapradātā sucakṣuḥ smṛtimān // (9.1) Par.?
medhāvī sarvato 'bhayadātā // (10.1) Par.?
goprayukte sarvatīrthopasparśanam // (11.1) Par.?
śayyāsanadānād antaḥpurādhipatyam // (12.1) Par.?
chatradānād gṛhalābhaḥ // (13.1) Par.?
gṛhaprado nagaram āpnoti // (14.1) Par.?
upānatpradātāyanam āsādayate // (15.1) Par.?
athāpy udāharanti / (16.1) Par.?
yat kiṃcit kurute pāpaṃ puruṣo vṛttikarṣitaḥ / (16.2) Par.?
api gocarmamātreṇa bhūmidānena śudhyati // (16.3) Par.?
viprāyācamanārthaṃ tu dadyāt pūrṇakamaṇḍalum / (17.1) Par.?
pretya tṛptiṃ parāṃ prāpya somapo jāyate punaḥ // (17.2) Par.?
anaḍuhāṃ sahasrāṇāṃ dattānāṃ dhūryavāhinām / (18.1) Par.?
supātre vidhivaddānaṃ kanyādānena tat samam // (18.2) Par.?
trīṇy āhur atidānāni gāvaḥ pṛthvī sarasvatī / (19.1) Par.?
atidānaṃ hi dānānāṃ vidyādānaṃ tato 'dhikam // (19.2) Par.?
ātyantikaphalapradaṃ mokṣasaṃsāramocanam / (20.1) Par.?
yo 'nasūyur imaṃ vidvān ācāram anuvartate // (20.2) Par.?
śraddadhānaḥ śucir dānto dhārayecchṛṇuyād api / (21.1) Par.?
vihāya sarvapāpāni nākapṛṣṭhe mahīyata iti // (21.2) Par.?
nākapṛṣṭhe mahīyata iti // (22.1) Par.?
Duration=0.082488059997559 secs.