Texts

athaiṣā candramasaḥ kṣayavṛddhir bhavati / (1.1) Par.?

yadā vai candramāḥ kṣīyate cāpyāyate ca tad anuvyākhyāsyāmaḥ // (1.2) Par.?

pūrvapakṣe vai devā dīkṣante / (2.1) Par.?

te 'parapakṣe somaṃ bhakṣayanti / (2.2) Par.?

tatremāni trīṇi pātrāṇy upadhīyante / (2.3) Par.?

pṛthivī pātram antarikṣaṃ pātraṃ dyauḥ pātram iti / (2.4) Par.?

taṃ devā divyena pātreṇa ādityāḥ prathamaṃ pañcakalaṃ pañcamīṃ bhakṣayanti / (2.5) Par.?

antarikṣeṇa pātreṇa rudrā dvitīyaṃ pañcakalaṃ daśamīṃ bhakṣayanti / (2.6) Par.?

te pṛthivyā pātreṇa vasavas tṛtīyaṃ pañcakalaṃ pañcadaśīṃ bhakṣayanti / (2.7) Par.?

ṣoḍaśī kalāvaśiṣyate / (2.8) Par.?

ṣoḍaśakalo vai candramāḥ / (2.9) Par.?

sa oṣadhīś ca vanaspatīṃś ca gāś ca paśūṃś cādityaṃ ca brahma ca brāhmaṇāṃś cānupraviśati / (2.10) Par.?

taṃ devā indrajyeṣṭhāḥ somapāś cāsomapāś ca yathā pitaraṃ pitāmahaṃ prapitāmahaṃ vā vṛddhaṃ pralayam upagacchamānaṃ vyādhigataṃ mariṣyatīti vā tāṃ rātriṃ vasante / (2.11) Par.?

tad amāvāsyāyā amāvāsyātvam / (2.12) Par.?

tasmād amāvāsyāyāṃ nādhyetavyaṃ bhavati // (2.13) Par.?

atha saṃbharaṇam / (3.1) Par.?

tam oṣadhībhyaś ca vanaspatibhyaś ca gobhyaś ca paśubhyaś cādityāc ca brahmaṇaś ca brāhmaṇāḥ saṃnayante / (3.2) Par.?

tasmāt sāṃnāyyasya sāṃnāyyatvam // (3.3) Par.?

candramā vai dhātā / (4.1) Par.?

yā pūrvā paurṇamāsī sānumatiḥ / (4.2) Par.?

yottarā sā rākā / (4.3) Par.?

yā pūrvāmāvāsyā sā sinīvālī / (4.4) Par.?

yottarā sā kuhūḥ / (4.5) Par.?

yo 'nu paśyaty anyaṃ na paśyati tan mithunam evāsya bhavati // (4.6) Par.?

puṣye cānumatir jñeyā sinīvālī tu dvāpare / (5.1) Par.?

khārvāyāṃ tu bhaved rākā kṛtaparve kuhūr bhavet // (5.2) Par.?

nyūne cānumatiṃ vidyāt / (6.1) Par.?

yasmin dṛśyeta sā sinīvālī / (6.2) Par.?

rākā yadi sampūrṇaḥ / (6.3) Par.?

candras tu kuhūr na dṛśyeta // (6.4) Par.?